Samsung Galaxy Z Fold 6 : अलीकडे प्रत्येकाकडे स्मार्टफोन आहे. विविध कंपन्यांचे स्मार्टफोन बाजारात लाँच करण्यात आले आहेत. सॅमसंग ही देखील एक प्रमुख स्मार्टफोन निर्माता कंपनी आहे. दरम्यान, सॅमसंग कंपनीने अलीकडेच एक फोल्डेबल फोन लॉन्च केला आहे. खरेतर, स्मार्टफोनच्या जगात तंत्रज्ञानाने वेगाने प्रगती केली आहे आणि सध्याच्या ट्रेंडनुसार फोल्डेबल फोन हे आकर्षणाचे केंद्रबिंदू बनले आहेत. या स्पर्धेत आघाडी घेत सॅमसंगने आपला नवीनतम आणि अत्याधुनिक फोल्डेबल स्मार्टफोन Samsung Galaxy Z Fold 6 लाँच केला आहे.
या स्मार्टफोनमध्ये अत्याधुनिक वैशिष्ट्ये असून तो तंत्रज्ञानप्रेमींसाठी मोठी पर्वणी ठरणार आहे. या फोनमध्ये उत्कृष्ट डिस्प्ले, प्रगत प्रोसेसर, उच्च-गुणवत्तेचे कॅमेरा सेटअप आणि जलद चार्जिंग सपोर्टसह मजबूत बॅटरी देण्यात आली आहे. अशा परिस्थितीत आज आपण या फोनचे फीचर्स आणि याच्या किमती बाबत थोडक्यात माहिती पाहणार आहोत.
डिस्प्ले आणि डिझाइन कसे आहे?
Samsung Galaxy Z Fold 6 मध्ये 7.6-इंचाचा मुख्य फोल्डेबल डिस्प्ले देण्यात आला आहे, तर त्याचा बाह्य डिस्प्ले 6.3 इंचाचा आहे. दोन्ही डिस्प्ले गोरिल्ला ग्लासच्या संरक्षणासह येतात, जे फोनला अतिरिक्त मजबूती देतात. हा फोन अधिक स्लीम आणि हलका असून, तो 10.6mm जाड आणि 236 ग्रॅम वजनाचा आहे. मागील मॉडेलच्या तुलनेत हा स्मार्टफोन 1.5mm पातळ आणि 3 ग्रॅम हलका आहे, ज्यामुळे तो हाताळायला अधिक सोयीस्कर आणि एर्गोनॉमिक बनतो.
बॅटरी आणि चार्जिंग
या फोनमध्ये 4400mAh क्षमतेची दमदार बॅटरी आहे, जी वायर्ड आणि वायरलेस दोन्ही चार्जिंगला सपोर्ट करते. जलद चार्जिंगसह येणारी ही बॅटरी दिवसभर टिकेल, त्यामुळे तुम्हाला वारंवार चार्जिंगची गरज भासणार नाही.
प्रोसेसर आणि परफॉर्मन्स
Samsung Galaxy Z Fold 6 मध्ये नवीनतम आणि ताकदवान Snapdragon 8 Gen 3 for Galaxy प्रोसेसर आहे. यासोबतच, 16GB RAM आणि 512GB स्टोरेज देण्यात आले आहे, जे अनेक अॅप्स आणि मोठ्या फाइल्स सहज हाताळण्यासाठी सक्षम आहे. या फोनमध्ये Galaxy AI सपोर्ट आहे, जो स्मार्टफोनचा परफॉर्मन्स आणखी वाढवतो.
कॅमेरा कसा आहे?
सॅमसंगने या स्मार्टफोनमध्ये अत्याधुनिक कॅमेरा सेटअप दिला आहे. मागील बाजूस 50MP+12MP+10MP चा ट्रिपल कॅमेरा सेटअप आहे, जो उत्तम दर्जाचे फोटो आणि व्हिडिओ काढण्यास सक्षम आहे. फ्रंट कॅमेराही दमदार असून, 10MP+4MP चा ड्युअल कॅमेरा देण्यात आला आहे, जो व्हिडिओ कॉलिंग आणि सेल्फींसाठी उत्कृष्ट आहे. विशेष म्हणजे, सॅमसंगने मुख्य वाइड-अँगल कॅमेरा 200MP पर्यंत अपग्रेड केला आहे, त्यामुळे वापरकर्त्यांना अधिक स्पष्ट आणि सुस्पष्ट प्रतिमा मिळतील.
कनेक्टिव्हिटी आणि सेन्सर्स
Samsung Galaxy Z Fold 6 मध्ये नवीनतम Wi-Fi 802.11 a/b/g/n/ac/ax, GPS, NFC, USB Type-C, 3G, 4G आणि 5G सपोर्ट उपलब्ध आहे. तसेच, दोन्ही सिम कार्डवर 4G आणि 5G सपोर्ट असल्यामुळे वापरकर्ते उच्च-गतीच्या इंटरनेटचा लाभ घेऊ शकतात. या स्मार्टफोनमध्ये अँबियंट लाइट सेन्सर, एक्सेलेरोमीटर, कंपास/मॅग्नेटोमीटर, जायरोस्कोप, प्रॉक्सिमिटी सेन्सर, बॅरोमीटर आणि फिंगरप्रिंट सेन्सर यासारखे अत्याधुनिक सेन्सर्सही देण्यात आले आहेत.
रंग पर्याय आणि स्टोरेज
Samsung Galaxy Z Fold 6 स्मार्टफोन तीन आकर्षक रंगांमध्ये उपलब्ध आहे – फँटम ब्लॅक, फँटम ग्रीन आणि ब्लॅक शॅडो. हा फोन 16GB RAM आणि 512GB स्टोरेज असलेल्या एका व्हेरिएंटमध्येच लाँच करण्यात आला आहे.
किंमत आणि उपलब्धता
Samsung Galaxy Z Fold 6 ची दक्षिण कोरियामधील सुरुवातीची किंमत KRW 2,789,600 (अंदाजे ₹1,70,000) आहे. हा स्मार्टफोन आज 11 फेब्रुवारी 2025 पासून Amazon वर उपलब्ध होणार आहे. म्हणून भारतीय बाजारपेठेत त्याची नेमकी किंमत काय असेल, याबाबत अधिकृत माहिती लवकरच जाहीर केली जाईल.
