SBI 400 Days FD Scheme : स्टेट बँक ऑफ इंडिया ही देशातील सर्वात मोठी सरकारी बँक. या बँकेत अनेक जण योग्य करतात. महिला, ज्येष्ठ नागरिक एसबीआय मध्ये एफडी करण्यासाठी पसंती दाखवतात. दरम्यान जर तुम्हीही एसबीआयच्या एफ डी योजनेत गुंतवणूक करण्याच्या तयारीत असाल तर तुमच्यासाठी आजची बातमी कामाची ठरणार आहे.
कारण की आज आपण एसबीआयच्या चारशे दिवसांच्या विशेष एफडी योजनेची माहिती जाणून घेण्याचा प्रयत्न करणार आहोत. खरंतर गेल्या काही महिन्यांमध्ये रेपोरेट हे स्थिर राहिले आहेत.
आम्ही आपणास सांगू इच्छितो की जेव्हा रेपो रेट वाढतात तेव्हा एफ डी चे दर वाढतात आणि जेव्हा रेपो रेट कमी होतात तेव्हा एफडीचे व्याजदर कमी होण्याची शक्यता असते.
दरम्यान गेल्या काही महिन्यांमध्ये आरबीआयने रेपो रेट स्थिर ठेवले असल्याने एफडीचे व्याजदरात अजूनही कुठलाच बदल करण्यात आलेला नाही. एसबीआय बँक आपल्या ग्राहकांना आकर्षित करण्यासाठी विविध कालावधीच्या एफडीवर 3.50% पासून ते 7.25% पर्यंतचे व्याजदर ऑफर करते.
महत्त्वाचे बाब म्हणजे एसबीआय कडून काही विशेष एफडी योजना राबवल्या जात आहेत. अमृत कलश एफडी योजना देखील एसबीआयची अशीच स्पेशल FD स्कीम आहे. ही एफडी योजना चारशे दिवसांची आहे.
यामध्ये गुंतवणूक करणाऱ्या सामान्य ग्राहकांना 7.10% या दराने परतावा दिला जातो. तसेच याच एफडी योजनेत गुंतवणूक करणाऱ्या सीनियर सिटीजन ग्राहकांना 7.60% या दराने परतावा दिला जात आहे.
अर्थातच सामान्य ग्राहकांच्या तुलनेत सीनियर सिटीजन ग्राहकांना या एफ डी योजनेत गुंतवणूक करणे अधिक फायद्याचे ठरते. दरम्यान आता आपण या एसबीआयच्या विशेष एफडी योजनेत पाच लाखाची गुंतवणूक केली तर ग्राहकांना किती रिटर्न मिळणार हे थोडक्यात समजून घेणार आहोत.
पाच लाखाची गुंतवणूक केली तर किती रिटर्न मिळणार
एसबीआय ने सुरु केलेल्या अमृत कलश स्पेशल एफडी स्कीम मध्ये सामान्य ग्राहकांनी पाच लाख रुपयांची गुंतवणूक केली तर त्यांना मॅच्युरिटी वर म्हणजेच 400 दिवसांचा काळ पूर्ण झाल्यावर पाच लाख 40 हजार 88 रुपये मिळणार आहेत. अर्थातच 40 हजार 88 रुपये रिटर्न म्हणून मिळणार आहेत.
दुसरीकडे याच विशेष एफडी स्कीम मध्ये म्हणजेच अमृत कलश स्पेशल एफ डी स्कीम मध्ये सीनियर सिटीजन ग्राहकांनी पाच लाख रुपयांची गुंतवणूक केली तर त्यांना पाच लाख 43 हजार दोन रुपये मिळणार आहेत. अर्थातच 400 दिवसांच्या एफडी योजनेतून सिनिअर सिटीजन ग्राहकांना 43 हजार दोन रुपये व्याज म्हणून रिटर्न मिळणार आहेत.
