SBI FD Scheme : स्टेट बँक ऑफ इंडिया ही देशातील सर्वात मोठी सरकारी बँक. ही बँक आपल्या ग्राहकांना परवडणाऱ्या व्याजदरात विविध प्रकारचे कर्ज उपलब्ध करून देते. एसबीआय कडून होम लोन, एज्युकेशन लोन बिझनेस लोन गोल्ड लोन आणि पर्सनल लोन कमीत कमी व्याजदरात उपलब्ध करून दिले जात आहे.
याशिवाय एसबीआयकडून ग्राहकांना फिक्स डिपॉझिटवर अधिकचे व्याज दिले जात आहे. स्टेट बँक ऑफ इंडिया सध्या स्थितीला आपल्या ग्राहकांसाठी सात दिवसांपासून ते दहा वर्ष कालावधीची एफडी योजना ऑफर करत आहे.
एसबीआय कडून या वेगवेगळ्या कालावधीच्या एफडी योजनेत गुंतवणूक करणाऱ्या गुंतवणूकदारांना 3.05% पासून ते 7.20% पर्यंतचे व्याज दिले जात आहे.
याव्यतिरिक्त एसबीआय कडून काही विशेष एफडी योजना देखील सुरू करण्यात आल्या आहेत. एसबीआय आपल्या ग्राहकांसाठी 444 दिवसांची अमृत वृष्टी योजना राबवते. दरम्यान, आज आपण याच 444 दिवसांच्या विशेष FD योजनेची माहिती पाहणार आहोत.
एसबीआयची 444 दिवसांची विशेष FD योजना कशी आहे?
स्टेट बँक ऑफ इंडियाची 444 दिवसांची विशेष FD योजना ग्राहकांसाठी फायद्याची ठरत आहे. या योजनेत गुंतवणूक करणाऱ्या सामान्य ग्राहकांना एसबीआय कडून सध्या स्थितीला 6.60% दराने व्याज दिले जात आहे.
याच योजनेत गुंतवणूक करणाऱ्या सीनियर सिटीजन ग्राहकांना बँकेकडून 7.10% दराने व्याज दिले जात आहे. तसेच या योजनेत गुंतवणूक करणाऱ्या सुपर सीनियर सिटीजन ग्राहकांना 7.20% दराने व्याज दिले जात आहे.
444 दिवसांच्या एफडी योजनेत चार लाखांची गुंतवणूक केल्यास किती रिटर्न मिळणार?
स्टेट बँक ऑफ इंडिया च्या 444 दिवसांच्या एफडी योजनेत गुंतवणूक करणाऱ्या सामान्य गुंतवणूकदारांना मॅच्युरिटी वर चार लाख 33 हजार 154 रुपये मिळतात. म्हणजेच सामान्य ग्राहकांना चार लाखाच्या गुंतवणुकीतून 33,154 व्याज स्वरूपात रिटर्न मिळतात.
तसेच एसबीआयच्या या 444 दिवसांच्या एफडी योजनेत चार लाखांची गुंतवणूक करणाऱ्या सीनियर सिटीजन ग्राहकांना चार लाख 35 हजार 752 रुपये मिळतात. म्हणजेच सिनिअर सिटीजन ग्राहकांना चार लाखाच्या गुंतवणुकीतून 35,752 रुपये व्याज स्वरूपात मिळतात.
जर समजा सुपर सिनिअर सिटीजन ग्राहकांनी एसबीआयच्या 444 दिवसाच्या एफडी योजनेत चार लाखांची गुंतवणूक केली तर त्यांना 436,273 रुपये मिळतात म्हणजेच 36,273 रुपये त्यांना व्याज स्वरूपात रिटर्न मिळतात.
