SBI Home Loan : स्टेट बँक ऑफ इंडिया ही देशातील सर्वात मोठी सरकारी बँक. दरम्यान जर तुम्ही स्टेट बँक ऑफ इंडिया कडून होम लोन घेण्याच्या तयारीत असाल तर तुमच्यासाठी आजची बातमी कामाची ठरणार आहे. खरे तर अलीकडे घरांच्या किमती मोठ्या प्रमाणात वाढल्या आहेत आणि यामुळे सर्वसामान्यांना घर खरेदीसाठी मोठ्या अडचणींचा सामना करावा लागतोय.
आपल्या मनपसंत ठिकाणी घर विकत घ्यायचं म्हटलं की लाखों रुपये खिशात असणे आवश्यक आहे. आता सर्वसामान्य नागरिकांची एवढी सेविंग नसते. यामुळे अनेक जण होम लोन घेऊन घर खरेदीचा निर्णय घेतात.
देशातील जवळपास सर्वच बँका आपल्या ग्राहकांना परवडणाऱ्या व्याजदरात होम लोन ऑफर करतात. तसेच बँकेकडून कमीत कमी काळात ग्राहकांना होम लोन मंजूर केले जाते.
एसबीआय देखील आपल्या ग्राहकांना कमी वेळेत आणि कमी व्याजदरात होम लोन देत असून आज आपण एसबीआयच्या होम लोन ची माहिती पाहणार आहोत.
एसबीआय च्या होम लोनचे व्याजदर आणि एसबीआय कडून जर एखाद्या ग्राहकाने 60 लाख रुपयांचे कर्ज घेतले तर त्याला कितीचा ईएमआय भरावा लागणार याचे संपूर्ण कॅल्क्युलेशन आज आपण समजून घेणार आहोत.
कसे आहेत एसबीआयचे व्याजदर
आरबीआय ने अलीकडेच देशातील सर्वाधिक सुरक्षित बँकांची यादी जाहीर केली होती यामध्ये एसबीआय, एचडीएफसी आणि आयसीआयसीआय फक्त या तीनच बँकांचा समावेश होता.
एसबीआय ही देशातील सर्वाधिक सुरक्षित बँक असून बँकेच्या माध्यमातून आपल्या ग्राहकांना परवडणाऱ्या व्याजदरात विविध प्रकारचे कर्ज उपलब्ध करून दिले जात आहे.
होम लोन बाबत बोलायचं झालं तर बँक 8.25% किमान व्याज दरात होम लोन उपलब्ध करून देते. परंतु हा बँकेचा किमान आणि सुरुवातीचा व्याजदर आहे.
याचा लाभ फक्त ज्या लोकांचा सिबिल स्कोर चांगला आहे त्यांनाच मिळतो. 800 च्या आसपास सिबिल स्कोर असणाऱ्या नागरिकांना एसबीआयकडून किमान 8.25 टक्के व्याज दरात होम लोन मंजूर होऊ शकते.
10 वर्षांसाठी 60 लाखाचे होम लोन घेतले तर कितीचा हप्ता भरावा लागणार?
जर तुम्ही एसबीआयकडून 10 वर्षांच्या कालावधीसाठी 60 लाखांचं गृहकर्ज घेतले तर तुम्हाला दरमहा 73,592 रुपये ईएमआय म्हणून द्यावे लागतील. म्हणजेच तुम्हाला दहा वर्षात 88 लाख 30 हजार 989 रुपये बँकेला द्यावे लागणार आहे ज्यामध्ये 28 लाख 30 हजार 989 रुपये व्याज राहील.
जर समजा तुम्ही एसबीआय कडून तीस वर्षांच्या कालावधीसाठी 60 लाखांचे गृह कर्ज घेतलं तर तुम्हाला 45 हजार 76 रुपयांचा मासिक हप्ता भरावा लागणार आहे.
अशा प्रकरणात तुम्हाला एक कोटी 62 लाख 27 हजार 359 रुपये बँकेला द्यावे लागणार आहेत. अर्थातच एक कोटी दोन लाख 27 हजार 359 रुपये व्याज द्यावे लागणार आहे.
