SBI Home Loan : एसबीआय अर्थात स्टेट बँक ऑफ इंडिया ही देशातील सर्वात मोठी सरकारी बँक. ही बँक आपल्या ग्राहकांना परवडणाऱ्या व्याजदरात गृह कर्ज उपलब्ध करून देते. खरे तर रिझर्व बँक ऑफ इंडियाने गेल्या महिन्यात एक मोठा निर्णय घेतलाय. आरबीआयने पाच वर्षात पहिल्यांदाच रेपो दरात कपात केली आहे.
आरबीआयने रेपो रेट 0.25 टक्क्यांनी कमी केले आहेत. रेपो रेट 25 बेसिस पॉईंटने कमी करण्यात आलेत अर्थात आता रेपो रेट 6.25 टक्के इतकां आहे. आधी रेपो रेट 6.50% इतके होते. दरम्यान, रेपो दरात कपात झाली असल्याने आता देशातील अनेक बँकांकडून गृह कर्जाच्या व्याजदरात कपात करण्याचा निर्णय घेण्यात आला आहे.
स्टेट बँक ऑफ इंडियाने देखील अलीकडेच आपल्या होम लोनच्या व्याजदरात कपात केली असून आज आपण एसबीआयच्या होम लोनची सविस्तर माहिती पाहणार आहोत. एसबीआयकडून जर तीस लाखांचे होम लोन घेतले तर किती रुपयांचा हप्ता भरावा लागणार याचेही कॅल्क्युलेशन आज आपण समजून घेणार आहोत.
एसबीआयचे होम लोन वरील व्याजदर!
मिळालेल्या माहितीनुसार, स्टेट बँक ऑफ इंडिया सध्या आपल्या ग्राहकांना 8.25 टक्क्यांपासून ते 9.20% इंटरेस्ट रेट वर होम लोन उपलब्ध करून देत आहे. महत्वाचे म्हणजे एसबीआयचे हे सुधारित व्याजदर गेल्या महिन्यात म्हणजेच फेब्रुवारी 2025 मध्ये लागू झाले आहेत.
आरबीआयच्या रेपो रेट मध्ये कपातीचा निर्णय झाल्यानंतर एसबीआय ने गृह कर्जावरील व्याजदर कमी करण्याचा निर्णय घेतलाय. बँकेने 25 बसेस पॉइंट ने होम लोन वरील व्याजदर कमी केले आहेत.
30 लाखांचे होम लोन हवे असल्यास पगार किती हवा?
स्टेट बँक ऑफ इंडियाकडून जर तुम्हाला गृह कर्ज घ्यायचे असेल तर तुमच्या पगारानुसार बँकेकडून तुम्हाला किती कर्ज मंजूर होऊ शकतं हे आता आपण समजून घेणार आहोत.
मिळालेल्या माहितीनुसार तीस लाखांचे होम लोन ज्या ग्राहकांना हवे असेल त्यांचा किमान मासिक पगार हा 51 हजार असायला हवा. स्टेट बँक ऑफ इंडिया कडून 8.50% व्याजदरात तीस लाखांचे होम लोन हवे असेल तर तुमचा मासिक पगार हा किमान 51 हजार रुपये असणे आवश्यक आहे.
हे कर्ज तुम्हाला तीच वर्षांसाठी मंजूर होणार आहे, पण त्यासाठी तुमच्यावर आधीपासूनच कर्जाचे ओझे नकोय. 30 लाख रुपयांचे कर्ज 30 वर्षांसाठी मंजूर झाले तर तुम्हाला 22 हजार 500 रुपयांचा मासिक हप्ता भरावा लागणार आहे.
