SIP Withdrawal Tax : अलीकडे म्युच्युअल फंडमध्ये गुंतवणूक करणाऱ्यांची संख्या वाढली आहे. म्युच्युअल फंड मध्ये गुंतवणूक करून अनेकांनी चांगला परतावा मिळवला आहे. म्युच्युअल फंड मधून गुंतवणूकदारांना सरासरी 12% दराने परतावा मिळत असल्याचे चित्र आहे. यामुळे Mutual Fund हे गुंतवणूकीचे एक प्रमुख साधन बनले आहे आणि यात लोक एसआयपीच्या माध्यमातून मोठ्या प्रमाणात कमाई करीत आहेत.
परंतु, एसआयपीमधून 1 कोटी रुपयांपर्यंत कमाई केल्यावर गुंतवणूकदारांना किती टॅक्स भरावा लागतो ? याबाबत भारतीय आयकर विभागाचे नेमके काय नियम आहेत ? याच संदर्भात आज आपण सविस्तर माहिती पाहणार आहोत.
म्युच्युअल फंडाच्या कमाईवर किती कर आकारला जातो?
म्युच्युअल फंडातून मिळालेल्या उत्पन्नावर कर दोन गोष्टींवर अवलंबून असतो. प्रथम आपण इक्विटी म्युच्युअल फंडात गुंतवणूक केलीय की डेट म्युच्युअल फंडात गुंतवणूक केली आहे ? यावर कर अवलंबून असतो आणि दुसरे म्हणजे, आपला होल्डिंग कालावधी काय आहे ? दरम्यान आता आपण एसआयपी मधून एक कोटी रुपयांचा परतावा मिळाला असेल तर गुंतवणूकदारांना किती कर भरावा लागेल आणि हा कर वाचवण्यासाठी गुंतवणूकदाराने काय करणे अपेक्षित आहे याचा आढावा घेऊयात.
इक्विटी म्यूचुअल फंडावरील टैक्सेशन
जर म्युच्युअल फंडांमध्ये 65% किंवा त्याहून अधिक गुंतवणूक इक्विटीमध्ये असेल तर, अन गुंतवणूकीचा कालावधी 1 वर्ष किंवा त्यापेक्षा कमी असेल म्हणजेच शॉर्ट टर्म कॅपिटल गेन असेल तर या प्रकरणात SIP मधील नफ्यावर 15% कर आकारला जाईल.
उदाहरणार्थ, जर आपण SIP मधून 1 कोटी रुपये काढत असाल आणि 50 लाख रुपये नफा मिळविला तर आपल्याला 7.5 लाख रुपये (50 लाख रुपये × 15%) कर भरावा लागेल. तसेच, जर गुंतवणूकीचा कालावधी 1 वर्षापेक्षा जास्त असेल तर 1 लाख रुपये नफा करमुक्त असेल.
त्यानंतर, उर्वरित नफ्यावर 10% कर आकारला जातो. उदाहरणार्थ, जर आपण 50 लाख रुपये नफा कमावला तर 1 लाख रुपये नफा करमुक्त राहील आणि 49 लाख रुपयांवर दहा टक्के कर द्यावा लागेल म्हणजे 4.9 लाख रुपये कर द्यावा लागणार आहे.
डेट म्युच्युअल फंडावर कर आकारणी
म्युच्युअल फंडांमध्ये 65% पेक्षा कमी गुंतवणूक इक्विटीमध्ये असल्यास.
अल्प-मुदतीचा भांडवली नफा (एसटीसीजी) : जर गुंतवणूकीचा कालावधी 3 वर्षे किंवा त्यापेक्षा कमी असेल तर अशा परिस्थितीत आपला नफा आपल्या एकूण उत्पन्नामध्ये जोडला जाईल आणि कर आपल्या कर स्लॅबनुसार कर आकारला जाईल. आपण 30% कर स्लॅबमध्ये आलात तर आपल्याला 30% कर भरावा लागेल. उदाहरणार्थ, जर आपला नफा 30 लाख रुपये असेल तर कर 9 लाख रुपये (30 लाख रुपये × 30%) भरावा लागेल.
दीर्घकालीन भांडवली नफा (एलटीसीजी): जर गुंतवणूकीचा कालावधी 3 वर्षांपेक्षा जास्त असेल तर 1 एप्रिल 2023 पासून, डेट फंडावरही अल्प मुदतीच्या कराप्रमाणे कर आकारला जाईल, म्हणजेच नफा उत्पन्नात जोडला जाईल अन आपल्या कर स्लॅबनुसार कर आकारला जाईल.
हायब्रीड फंडवरील कर आकारणी
जर फंडामध्ये 65% पेक्षा जास्त इक्विटी असेल तर त्यावर इक्विटी म्युच्युअल फंडाप्रमाणे कर आकारला जाईल. त्याच वेळी, जर तेथे 65% पेक्षा कमी इक्विटी असेल तर त्यावर डेट फंडाप्रमाणे कर आकारला जाईल.
असा कर वाचवा
आपण कर कमी करू इच्छित असल्यास, आपल्याला काही स्मार्ट टिप्स वापराव्या लागणार आहेत. यामध्ये, आपल्याला एसडब्ल्यूपी स्वीकारावे लागेल याद्वारे, एकाच वेळी पूर्ण पैसे काढण्याऐवजी, दरवर्षी हळूहळू काढा, जेणेकरून आपण एलटीसीजी सूट (1 लाख रुपयांपर्यंतची कर सवलत ) चा फायदा घेऊ शकता. दुसरे म्हणजे, आपल्याला स्टॅण्डर्ड विड्रावल करावे लागेल. म्हणजे जर आपला नफा खूप जास्त असेल तर, एकाच आर्थिक वर्षात सर्व काही काढण्याऐवजी दरवर्षी थोडे-थोडे पैसे काढा.
