Tata Punch And Nexon : भारतातील दिग्गज ऑटोमोबाईल कंपन्या आता ग्राहकांच्या आवडीनुसार नवनवीन प्रगत कार लाँच करत आहेत. दरम्यान, भारतीय ऑटोमोबाईल बाजारात एसयूव्ही सेगमेंट दिवसेंदिवस अधिक प्रतिस्पर्धी होत आहे. ग्राहकांच्या सतत बदलणाऱ्या आवडीनुसार कंपन्या नवीन आणि सुधारित मॉडेल्स सादर करत असल्याने, विक्रीच्या आकडेवारीत मोठे चढ-उतार दिसून येत आहेत.
टाटा कंपनीने देखील ग्राहकांच्या आवडीनुसार अलीकडे अनेक SUV कार्स लॉन्च केल्या आहेत. पण, टाटा मोटर्ससाठी जानेवारी 2024 महिना संमिश्र निकाल घेऊन आला. एकीकडे टाटा पंच ही कंपनीची लोकप्रिय कार कंपनीची एक बेस्ट सेलर कार बनली तर दुसरीकडे कंपनीची सर्वाधिक लोकप्रिय एसयूव्ही नेक्सॉन टॉप 5 मधून बाहेर पडली आहे. यामुळे टाटा मोटर्सची चिंता वाढली असून भविष्यातील रणनीतीत मोठे बदल करावे लागणार आहेत.
टाटा पंचने जानेवारी 2024 मध्ये 16,231 युनिट्सच्या विक्रीसह आपले वर्चस्व कायम राखले. मागील वर्षी याच महिन्यात पंचच्या 17,978 युनिट्स विकल्या गेल्या होत्या, त्यामुळे यावेळी विक्रीत किंचित घसरण झाली आहे. तरीही, पंच आजही ग्राहकांची पहिली पसंती ठरत आहे.
टाटा पंचला 5-स्टार सेफ्टी रेटिंग मिळाल्यामुळे ग्राहकांमध्ये त्यावर मोठा विश्वास आहे. तसेच, याच्या 6.13 लाख रुपयांपासून सुरू होणाऱ्या एक्स-शोरूम किमतीने ही कार अनेकांना परवडणारी ठरते. मात्र, काही ग्राहकांना या गाडीच्या फिट आणि फिनिश क्वालिटीबाबत तक्रारी आहेत. टाटाने सुरक्षेच्या बाबतीत पंचला उत्तम बनवले असले, तरी इन्टिरियर क्वालिटी आणि फिनिशिंगवर अधिक लक्ष द्यावे लागेल.
दुसरीकडे, टाटा नेक्सॉनच्या विक्रीत मोठी घसरण झाली आहे. जानेवारी 2025 मध्ये या गाडीच्या केवळ 15,397 युनिट्स विकल्या गेल्या, जे मागील वर्षीच्या 17,182 युनिट्सच्या तुलनेत 1,785 युनिट्सच्या तुलनेत कमी आहे. नेक्सॉनचे फेसलिफ्ट मॉडेल लॉन्च केल्यानंतर कंपनीला अपेक्षित यश मिळालेले नाही.
त्याचबरोबर, वारंवार होणाऱ्या किमती वाढीमुळेही ग्राहकांचा कल कमी होत चालला आहे. एकेकाळी भारतातील टॉप 5 एसयूव्हींपैकी एक असलेली नेक्सॉन आता टॉप 10 मध्ये असली, तरी ती स्पर्धेत मागे पडली आहे. ही परिस्थिती पाहता, टाटा मोटर्सला भविष्यात आपली रणनीती सुधारण्याची गरज आहे.
भारतीय ग्राहक केवळ सेफ्टी आणि ब्रँडवर अवलंबून राहात नाहीत, तर त्यांना डिझाइन, फीचर्स, इन्टिरियर क्वालिटी आणि नवीन तंत्रज्ञान यांच्यासह उत्कृष्ट पॅकेज हवे असते. त्यामुळे टाटाने आपल्या उत्पादनांमध्ये अधिक आकर्षक आणि प्रीमियम अनुभव देण्यासाठी सुधारणा करणे आवश्यक आहे.
विशेषतः नेक्सॉनच्या बाबतीत, जर कंपनीने नवीन तंत्रज्ञानासह डिझाइन आणि फीचर्स सुधारले नाहीत, तर भविष्यातील विक्रीत आणखी मोठी घसरण होऊ शकते. त्यामुळे टाटाने ग्राहकांच्या अभिप्रायावर लक्ष केंद्रित करून त्यांच्या अपेक्षा पूर्ण करण्यासाठी त्वरित उपाययोजना करणे गरजेचे आहे.
