Tata Share Price : नवीन वर्षाचा पहिला महिना शेअर मार्केटसाठी थोडासा आव्हानात्मक राहिला. गेल्या महिन्यात शेअर बाजारात मोठ्या प्रमाणात चढ-उतार पाहायला मिळाली. यामुळे आता फेब्रुवारी महिन्यात शेअर मार्केटची परिस्थिती कशी राहणार याकडे साऱ्यांचे लक्ष लागून आहे. दरम्यान, फेब्रुवारीच्या सुरुवातीलाच टाटा समूहाच्या एका स्टॉक संदर्भात सकारात्मक संकेत मिळत आहेत.
जानेवारीत निफ्टी ५० इंडेक्सवर टाटा समूहाची सर्वात वाईट कामगिरी करणाऱ्या ट्रेंट लिमिटेडच्या शेअर्सने फेब्रुवारी महिन्याच्या पहिल्याच दिवशी जोरदार सुरुवात केली आहे. निफ्टी 50 निर्देशांकावर हा शेअर सर्वोत्तम कामगिरी करणारा ठरला.
9 ऑगस्ट 2024 रोजी स्टॉकने जून तिमाहीचे निकाल जाहीर केल्यापासून स्टॉकमध्ये पाहिलेली ही सर्वात मोठी एक दिवसीय चाल आहे. तथापि, टाटा समूहाचा हा शेअर काल 10% वाढलाय आणि 6270 रुपयांच्या उच्चांकावर पोहोचलाय.
अर्थसंकल्प सादर केल्यानंतर या शेअरच्या किमती अचानक वाढल्या आहेत. गुंतवणूकदार या शेअरच्या खरेदीसाठी उत्साही असल्याचे दिसत आहे. अशा परिस्थितीत आज आपण टाटा समूहाच्या या स्टॉकच्या किमती अचानक का वाढत आहेत? याचाच आढावा घेणार आहोत.
का वाढल्यात किंमती ?
अर्थमंत्री निर्मला सीतारामन यांनी शनिवारी, 1 फेब्रुवारी 2025 रोजी आपल्या अर्थसंकल्पीय भाषणात 12 लाखांपर्यंतचे उत्पन्न असलेल्या व्यक्तींना कोणताही कर भरावा लागणार नाही, अशी घोषणा केल्यानंतर इतर उपभोग-केंद्रित स्टॉकसह ट्रेंटला सुद्धा चालना मिळाली.
घोषणेनंतर सात महिन्यांत निफ्टी एफएमसीजी निर्देशांक सर्वाधिक वाढला, रॅडिको खेतान सारख्या स्टॉकमध्ये 10% पर्यंत वाढ पाहायला मिळाली. आता आपण अर्थसंकल्पाच्या घोषणेनंतर ट्रेंटच्या शेअर्सबाबत ब्रोकरेजकडून काय सल्ला देण्यात आलाय? याबाबत माहिती पाहणार आहोत.
Trent ची शेअर बाजारातील स्थिती
जानेवारीमध्ये ट्रेंट शेअर्स निफ्टीमध्ये सर्वात वाईट कामगिरी करणारे होते, हा स्टॉक जवळपास 20% घसरला. मार्च 2020 पासून निफ्टी 50 इंडेक्समध्ये नवीनचं दाखल झालेल्या ट्रेंटसाठी ही सर्वात वाईट मासिक कामगिरी होती, ज्या महिन्यात कोविड-19-संबंधित लॉकडाउन लादण्यात आले होते. शुक्रवारच्या समाप्तीपर्यंत, ट्रेंटचे शेअर्स ₹8,345 च्या अलीकडील शिखरावरून 35% पेक्षा जास्त खाली होते.
स्टॉकवर विश्लेषकांचे मत
ट्रेंटला कव्हर करणाऱ्या 22 विश्लेषकांपैकी 12 स्टॉक मार्केटच्या विश्लेषकांनी स्टॉकवर ‘बाय’ रेटिंग दिले आहे, अर्थातच या विश्लेषकांनी हा स्टॉक खरेदी करण्याचा सल्ला दिला आहे. तर पाच स्टॉक मार्केट विश्लेषकांनी हा स्टॉक होल्ड करण्याचा आणि पाच स्टॉक मार्केट विश्लेषकांनी हा स्टॉक सेल करण्याचा सल्ला दिला आहे.
