Gold Storage :- सोने, हा फक्त चमकदार धातू नाही, तर आपल्या संस्कृतीचा, इतिहासाचा आणि अर्थव्यवस्थेचा अमूल्य भाग आहे. तुम्हाला माहिती आहे का, पृथ्वीवरून आतापर्यंत जे सोने काढले गेले आहे, ते जर एकत्र करून पृथ्वीच्या पृष्ठभागावर पसरवले गेले तर तो अंदाजे दीड फुट जाडीचा थर बनू शकतो ? पण या चमकदार खजिन्याचा मोठा भाग अजूनही आपल्या पायाखाली, समुद्राच्या खोल पाण्यात आणि पृथ्वीच्या अगदी आतल्या भागात दडलेला आहे. तंत्रज्ञानानेही अजून तो खजिना सहज उघड करता आलेला नाही, आणि म्हणूनच तो अजूनही आपल्या दृष्टीच्या पलीकडे आहे.
पृथ्वीवर असलेल्या सोन्याचा थर इतका मोठा आहे की जर तो एकत्र करून पृथ्वीच्या सर्व पृष्ठभागावर पसरवला गेला, तर तो अंदाजे दीड फुट जाडीचा होईल, असा विचार तुम्ही कधी केला आहे का? सोने, जे फक्त चमकदार दागिन्यांमध्ये किंवा बँकांच्या तिजोऱ्यामध्ये दिसते, त्याची खरी मात्रा आणि स्थान थोडे वेगळे आणि आश्चर्यकारक आहे.
पृथ्वीच्या पोटात किती आहे सोने ?
आपण आजपर्यंत पृथ्वीवरून सुमारे २५ कोटी किलोग्रॅम सोने काढले आहे. हे सोनं आपल्या आजूबाजूला दागिन्यांमध्ये, नाणी आणि अनेक आर्थिक ठिकाणी सुरक्षित ठेवलेले आहे. पण प्रश्न असा आहे की, या पृथ्वीच्या खोलात अजून किती सोने दडलेले आहे?
फक्त आपल्या पायाखालील जमिनीच्या काही किलोमीटर खोलवर देखील अंदाजे ५ कोटी किलोग्रॅम सोने दडलेले आहे. म्हणजेच जिथे आपण चालतो, तिथल्या जमिनीत सोन्याचा खजिना दडलेला आहे, पण सध्याच्या तंत्रज्ञानामुळे तो सहज काढता येत नाही.
समुद्राच्या पाण्यात आहे सोने ?
असेच, समुद्राच्या खोल पाण्यांमध्येही सुमारे २००० किलोग्रॅम सोने विरघळलेले आहे. मात्र हे सोने समुद्रात असल्यानं त्याला मिळवणे अत्यंत कठीण आहे. समुद्राच्या अथांग पाण्यांतून सोनं शोधून काढण्यासाठी आजही आधुनिक तंत्रज्ञान अपुरे पडते, त्यामुळे या खजिन्यापर्यंत सहज पोहोचणे शक्य झालेले नाही.
पृथ्वीच्या आतल्या सर्वात खोल भागात, ज्याला आपण गाभा म्हणतो, तिथे प्रचंड प्रमाणात सोने साठलेले आहे. अंदाजे १ लाख कोटी किलोग्रॅम इतकं सोनं तिथे असण्याचा विचार वैज्ञानिक करतात.
पण ही जागा इतकी खोल आणि तापमानाने वेगळ्या प्रकारची आहे की तिथे जाऊन सोनं काढणे सध्या पूर्णपणे अशक्य आहे.आपल्याकडे सोन्याचा एक विशाल खजिना आहे, जो प्रत्यक्षात आपल्याला दिसत नाही कारण तो बहुतेक वेळा पृथ्वीच्या खोल भागात किंवा समुद्राच्या तळाशी लपलेला असतो.परंतु सोने काढणं इतकं सोपं नाही. जमिनीच्या वरच्या थरापर्यंत पोहोचणं तुलनेने शक्य असलं तरी गाभा किंवा समुद्रापर्यंत पोहोचणे आजच्या विज्ञानासाठी अजून मोठं आव्हान आहे.
