अहमदनगर Live24 टीम, 15 डिसेंबर 2021 :- सिरम इन्स्टिट्यूट ऑफ इंडिया कंपनीचे सीईओ अदार पूनावाला यांनी लहान मुलांच्या लसीकरणाबाबत मंगळवारी एक महत्वाची घोषणा केली आहे.(Adar Poonawalla)
कंपनी येत्या सहा महिन्यांत मुलांसाठी अँटी-कोरोना लस बाजारात आणण्याची योजना आखत आहे. पुढे ते म्हणाले की, लहान मुलांची लस ‘कोव्हॉवॅक्स’ तीन वर्षांपर्यंतच्या मुलांना कोरोनापासून वाचवेल.
सध्या, सिरमची ‘कोविशिल्ड’ आणि इतर कंपन्यांची कोरोनाविरोधी लस 18 वर्षांपेक्षा जास्त वयाच्या लोकांसाठी तयार करण्यात आली आहे. आम्हाला मुलांमध्ये गंभीर आजार दिसले नाहीत.
सुदैवाने, मुलांबाबत घाबरण्यासारखी परिस्थिती नाही. मात्र, आम्ही येत्या सहा महिन्यांत मुलांची लस आणू. आशा आहे की ते तीन वर्षांपर्यंतच्या मुलांसाठी असेल.
देशात दोन कंपन्यांना लहान मुलांच्या लसीसाठी परवाना देण्यात आला असून त्यांची लस लवकरच उपलब्ध होईल. पूनावाला पुढे म्हणाले कि, तुम्ही मुलांचे लसीकरण करून घ्या. त्यात कोणतेही नुकसान नाही.
या लसी सुरक्षित आणि प्रभावी असल्याचे आढळून आले आहे. तुमच्या मुलानां लसीकरण करायचे असेल तर सरकारच्या घोषणेची वाट पहा आणि त्यानंतर लस द्या.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम