Zodiac Sign : 2025 वर्ष आता अंतिम टप्प्यात आले आहे. हे वर्ष अनेक राशींच्या लोकांसाठी लाभाचे ठरले आहे. दरम्यान आता नवीन वर्षाच्या आतुरतेने वाट पाहिली जात आहे. येत्या नव्या वर्षात अनेक राशीच्या लोकांचे भाग्य उजळणार आहे.
ज्योतिषशास्त्राच्या दृष्टीने पुढील वर्ष अत्यंत महत्त्वाचे ठरणार आहे. कर्मफळ दाता शनिदेव पुढील वर्षात मीन राशीत गोचर करणार असून संपूर्ण वर्षात कधी मार्गी तर कधी वक्री अवस्थेत राहतील. याचाच प्रभाव राशीचक्रातील दोन महत्त्वाच्या राशीच्या लोकांवर पाहायला मिळणार आहे.
तसेच शनी नक्षत्र परिवर्तनही करणार असल्याने अनेक राशींवर याचा थेट परिणाम दिसून येईल. विशेष म्हणजे गुरुच्या राशीत शनी असल्यामुळे काही राशींसाठी हे वर्ष सुख, समृद्धी आणि प्रगती घेऊन येणारे ठरू शकते.
नवीन वर्षाच्या सुरुवातीला शनी मीन राशीत मार्गी अवस्थेत असतील. त्यानंतर 26 जुलैपासून शनी वक्री चाल सुरू करतील आणि वर्षाच्या अखेरीस पुन्हा मार्गी होतील.
या काळात शनीची शुभ दृष्टी काही निवडक राशींवर पडणार असून त्यामुळे अडथळे दूर होणे, आर्थिक स्थिती सुधारणे आणि करिअरमध्ये स्थिरता येण्याचे योग बनत आहेत. दरम्यान आता आपण शनि देवाच्या या चालीमुळे कोणकोणत्या राशीच्या लोकांना चांगला लाभ मिळणार याबाबत माहिती पाहणार आहोत.
या राशीच्या लोकांचा सुवर्णकाळ सुरू होईल
मकर : या राशीच्या लोकांसाठी हा शनी गोचर अत्यंत महत्त्वाच मानल जात आहे. परिश्रम, प्रवास आणि संवाद यासंबंधी विषयांना गती मिळणार असा दावा केला जात आहे. शनिदेव आपल्या कर्मानुसार फळ देतात त्यामुळे प्रामाणिक कष्टांना आता खऱ्या अर्थाने यश मिळणार आहे.
आतापर्यंत केलेल्या मेहनतीचे योग्य ते फळ मिळणार आहे. आर्थिक स्थिती हळूहळू मजबूत होईल, बँक बॅलन्स वाढण्याचे संकेत आहेत. भाऊ-बहिणी, मित्र आणि शेजाऱ्यांशी असलेले तणावपूर्ण संबंध सुधारतील. शनीची पंचम, नवम आणि द्वादश भावावर पडणारी दृष्टी शिक्षण, संतान, भाग्य आणि परदेशाशी संबंधित कामांमध्ये लाभ देणारी ठरू शकते.
तूळ : या राशीसाठी पुढील वर्ष दिलासादायक ठरण्याची शक्यता आहे. शनी सहाव्या भावात गोचर करणार असल्यामुळे शत्रूंवर विजय, जुने आजार बरे होणे आणि नोकरी-व्यवसायात प्रगतीचे योग बनतील. अडकलेली कामे मार्गी लागतील, प्रमोशन किंवा कौतुक मिळण्याची शक्यता आहे.
कर्जातून सुटका होणे आणि आर्थिक तणाव कमी होण्याचे संकेतही आहेत. थोडक्यात, शनीचा हा गोचर काही राशींसाठी संयम, मेहनत आणि शिस्त यांचे फळ देणारा ठरू शकतो. योग्य नियोजन आणि सकारात्मक दृष्टीकोन ठेवल्यास पुढील वर्ष अनेकांसाठी नवी दिशा देणारे ठरू शकते.
