Zodiac Sign : वैदिक ज्योतिष शास्त्रात नवग्रहातील ग्रह एका ठराविक कालावधीनंतर राशी आणि नक्षत्र परिवर्तन करतात असे सांगितले गेले आहे. शनी राहू केतू बुध मंगळ शुक्र असे सर्वच ग्रह राशी आणि नक्षत्र परिवर्तन करतात. दरम्यान बुध ग्रहाने नुकतेच राशी परिवर्तन केले आहे. बुध ग्रहाला ग्रहांचा राजकुमार म्हणून ओळखले जाते.
ज्योतिष तज्ञ सांगतात की बुध ग्रह हा वाणी तर्क वितर्क व्यवसाय बौद्धिक क्षमता पैसा बुद्धी आणि शिक्षणाचा कार्यग्रह आहे आणि यामुळे बुध ग्रहाच्या राशी परिवर्तनाचा राशीचक्रातील विविध राशीच्या लोकांवर सकारात्मक आणि नकारात्मक असा प्रभाव पाहायला मिळू शकतो.
पंचांगानुसार काल 22 जून 2025 रोजी बुध ग्रहाने कर्क राशि मध्ये गोचर केले आहे म्हणजेच बुध ग्रह आता कर्क राशीमध्ये आला आहे. बुध ग्रह जवळपास आता 30 ऑगस्टपर्यंत म्हणजेच आजपासून पुढील 69 दिवस याच राशीमध्ये विराजमान राहणार आहे.
त्यामुळे राशीचक्रातील चार महत्त्वाच्या राशीच्या लोकांचा सुवर्णकाळ सुरू होईल. दरम्यान आता आपण बुध ग्रहाच्या या राशी परिवर्तनाचा कोणत्या चार राशीच्या लोकांना चांगला लाभ मिळणार याचाच आढावा आजच्या या लेखातून जाणून घेणार आहोत.
या राशीच्या लोकांना मिळणार जबरदस्त यश
कन्या : या राशीच्या लोकांचा वाईट काळ आता समाप्त होणार आहे आणि आजपासून जवळपास पुढील 70 दिवस या राशीच्या लोकांच्या मनातील अनेक इच्छा पूर्ण होतील. या राशीच्या लोकांना या काळात व्यवसायात चांगले यश मिळणार आहे.
या लोकांची प्रतिष्ठा वाढण्याचे संकेत आहेत. संपत्ती संबंधित प्रकरणांमध्ये यांना चांगले यश मिळणार आहे तसेच समाजात हे लोक चांगले नाव कमावणार आहेत. पैशांच्या बाबतीत सुद्धा हा काळ या लोकांसाठी फायद्याचा राहणार आहे.
धनु : कन्या राशीच्या लोकांप्रमाणेच धनु राशीच्या लोकांचाही वाईट काळ दूर होणार आहे. 22 जून रोजी बुध ग्रहाचे झालेले राशी परिवर्तन धनु राशीच्या लोकांसाठी अधिक लाभाचे ठरण्याची शक्यता आहे. या राशीच्या व्यक्तींची रखडलेली कामे पूर्ण होतील व मेहनतीचे फळ मिळेल. समाजात मान-सन्मान व पदोन्नतीची शक्यता आहे.
कुंभ : कन्या आणि धनु राशी प्रमाणेच कुंभ राशीच्या व्यक्तींचाही सुवर्णकाळ सुरू होणार आहे. पुढील 70 दिवस या राशीच्या लोकांचे असतील. या लोकांचे अडकलेले पैसे परत मिळण्याची शक्यता आहे. नोकरीत बढती व व्यवसायात प्रगती होईल. वाणीच्या प्रभावामुळे यश पदरात पडेल.
मेष : वर सांगितलेल्या तीनही राशींप्रमाणेच मेष राशीच्या लोकांचाही सुवर्णकाळ सुरू होणार आहे. या राशीसाठी बुध ग्रहाचे हे गोचर जुन्या अडचणींवर मात करून आर्थिक वाढीचा मार्ग मोकळा करणारे राहणार असा विश्वास ज्योतिष तज्ञांनी व्यक्त केला आहे. या काळात आईच्या आरोग्यात सुधारणा होईल व प्रॉपर्टीविषयक व्यवहारात यश मिळेल असे बोलले जात आहे.
