Zodiac Sign : वैदिक ज्योतिष शास्त्रात 9 ग्रह, 12 राशी आणि 27 नक्षत्रांना विशेष महत्त्व आहे. ज्योतिष शास्त्र असे सांगते की, नवग्रहातील ग्रह एका ठराविक कालावधीनंतर राशी आणि नक्षत्र परिवर्तन करत असतात. सर्वच ग्रह राशीचक्रातील बारा राशींमध्ये आणि 27 नक्षत्रांमध्ये भ्रमण करतात.
शुक्र ग्रह देखील बारा राशींमध्ये आणि 27 नक्षत्रांमध्ये भ्रमण करतो आणि जेव्हा केव्हा शुक्र ग्रह राशी परिवर्तन किंवा नक्षत्र परिवर्तन करतो, तेव्हा तेव्हा याचा राशीचक्रातील सर्वच राशीच्या लोकांवर सकारात्मक आणि नकारात्मक असा प्रभाव पाहायला मिळतो. दरम्यान पुढील महिन्यात शुक्र ग्रहाचे नक्षत्र परिवर्तन होणार आहे.
16 मे 2025 रोजी दैत्यांचा गुरु शुक्र रेवती नक्षत्रामध्ये प्रवेश करणार असल्याची माहिती ज्योतिष तज्ञांनी दिली आहे. सध्या शुक्र ग्रह उत्तर भाद्रपद नक्षत्रात विराजमान आहे. मात्र पुढील महिन्याच्या 16 तारखेला शुक्र ग्रह रेवती नक्षत्रामध्ये जाईल आणि साहजिकच याचा राशीचक्रातील सर्वच राशीच्या लोकांवर काही ना काही परिणाम होणार आहे.
शुक्र ग्रहाच्या नक्षत्र गोचर मुळे राशीचक्रातील तीन राशीच्या लोकांना विशेष लाभ मिळणार असून आज आपण याच तीन लकी राशींबाबत माहिती पाहणार आहोत.
मकर : शुक्र ग्रहाचा रेवती नक्षत्रामध्ये प्रवेश काही राशींना विशेष लाभदायक ठरणार अशी माहिती ज्योतिष तज्ञांकडून देण्यात आली आहे. विशेषतः मकर राशीच्या लोकांसाठी हा काळ फारच शुभ राहणार आहे आणि या लोकांचा वाईट काळ आता खऱ्या अर्थाने समाप्त होईल असे म्हटले जात आहे.
या लोकांच्या आत्मविश्वासात वाढ होईल आणि अचानक धनलाभ होण्याची शक्यता सुद्धा आहे. या काळात कौटुंबिक वाद मिटतील व बौद्धिक क्षमतेच्या जोरावर या लोकांना चांगला लाभ मिळणार आहे हे लोक आपल्या बुद्धीच्या जोरावर या काळात उत्तम निर्णय घेतील.
ज्याचा या लोकांच्या आयुष्यात मोठा सकारात्मक परिणाम पाहायला मिळणार आहे. या लोकांच्या व्यवसायात सुद्धा या काळात मोठी वाढ होईल आणि आरोग्य उत्तम राहील असे म्हटले जात आहे.
वृषभ राशी : या लोकांची दीर्घकाळापासून अडकलेली कामे अन दीर्घ काळापासून मनातील मोठी इच्छा या काळात पूर्ण होण्याची शक्यता आहे. व्यवसाय शिक्षण आणि नोकरी अशा सर्वच क्षेत्रात या काळात या लोकांना चांगला लाभ होईल असे म्हटले जात आहे.
पैशांच्या बाबतीत हा काळ या राशीच्या लोकांसाठी अधिक फायद्याचा ठरणार असून आर्थिक स्थिती तर सुधारेलच, शिवाय हे लोक कुटुंबाबरोबर चांगला वेळ घालवणार आहेत. कुटुंबासमवेत पिकनिकचा सुद्धा प्लॅन तयार होऊ शकतो.
कर्क राशी : वृषभ आणि मकर राशीच्या लोकांप्रमाणेच या लोकांसाठीही शुक्र ग्रहाचे नक्षत्र परिवर्तन फायद्याचे ठरणार असल्याचे बोलले जात आहे.
जमीन, घर, वाहन संबंधित प्रकरणांमध्ये या लोकांना या काळात अद्भुत असे यश मिळणार आहे. या काळात नोकरीत प्रगतीची शक्यता असून धार्मिक प्रवासाचा योग सुद्धा निर्माण होत आहे.
