अहमदनगर Live24 टीम, 23 फेब्रुवारी 2022 :- ज्या गोष्टीची भारतातील क्रिकेट प्रेमी आतुरतेने वाट पाहत होते. त्या आयपीएल मेगा लिलावाचे वेळापत्रक जवळपास निश्चित झाले आहे.
आयपीएल 2022 मध्ये 10 संघ सहभागी होत असल्याने यावेळी आयपीएलचा थरार द्विगुणित होणार आहे. यावेळस प्रेक्षकांना काही उत्साह आणि काहीस टेन्शन येणार आहे. अलीकडे आयपीएल ला भारतात एका सणउत्सवाप्रमाणे महत्व येत आहे.
मार्चमध्ये सुरू होणार आयपीएल!- आयपीएल मेगा लिलाव खूप यशस्वी झाला, अनेक खेळाडूंना फ्रँचायझींनी मोठी रक्कम देऊन स्वतःकडे जोडून घेतले आहे. आता सर्वांचे लक्ष आयपीएल 2022 वर लागले आहे.
मीडिया रिपोर्ट्सनुसार, T20 लीगचे सामने 26 मार्चपासून सुरू होऊ शकतात आणि अंतिम सामना 29 मे रोजी खेळवला जाऊ शकतो. बहुतांश सामने मुंबईतील वानखेडे मैदानावर होणे अपेक्षित आहे. त्यामुळे पुण्यातही सामने होऊ शकतात.
कोरोना महामारीमुळे बहुतांश सामने महाराष्ट्रात होणार आहेत. साखळी फेरीत एकूण 70 सामने खेळवले जाणार आहेत. मुंबईतील वानखेडे स्टेडियम, डीवाय पाटील आणि ब्रेबॉर्न या तीन ठिकाणी एकूण ५५ सामने खेळवले जाणार आहेत. याशिवाय पुण्यात 15 सामने होणार आहेत.
सर्व 10 संघाचे वानखेडे आणि डीवाय पाटील येथे 4-4 सामने होतील. याशिवाय त्यांना पुणे आणि ब्रेबॉर्नमध्ये ३-३ सामने खेळावे लागणार आहेत. चालू हंगामापासून टी-20 लीगमधील सामन्यांची संख्या 60 वरून 74 वर पोहोचली आहे. मात्र, प्लेऑफसाठीचा सामना अद्याप निश्चित झालेला नाही. अहमदाबादचे नरेंद्र मोदी स्टेडियम नॉक आउट फेरीसाठी आघाडीवर आहे.
बैठकीत महत्त्वाचा निर्णय होऊ शकतो- बीसीसीआयच्या गव्हर्निंग कौन्सिलची बैठक २४ फेब्रुवारीला प्रस्तावित आहे, त्यात तारखांचा विचार केला जाऊ शकतो. या बैठकीत पूर्ण वेळापत्रक, ठिकाण आणि तारखा यावर अंतिम निर्णय घेतला जाण्याची शक्यता आहे. नुकत्याच झालेल्या लिलावात एकूण 204 खेळाडूंना खरेदी करण्यात आले.
यापूर्वी 33 कायम ठेवण्यात आले होते. म्हणजेच एकूण 237 खेळाडू या स्पर्धेत खेळणार आहेत. यावेळी 10 संघ असल्यामुळे भारतीय खेळाडूंना चांगली खेळी करण्याची संधी आहे. या स्पर्धेत चांगली खेळी करणाऱ्याला खेळाडूला भारतीय संघातही स्थान मिळवू शकते.
