Apple लवकरच आपला पहिला फोल्डेबल iPhone लॉन्च करण्याच्या तयारीत आहे. या अत्याधुनिक डिव्हाइसच्या मदतीने, कंपनी सॅमसंग गॅलेक्सी झेड फोल्ड, ओप्पो फाइंड एन, आणि हुआवेई मेट एक्स यांसारख्या फोल्डेबल स्मार्टफोनना टक्कर देणार आहे. Apple च्या फोल्डेबल iPhone ची रचना Oppo Find N मालिकेसारखी असणार आहे, आणि हा डिव्हाइस अत्यंत कॉम्पॅक्ट आणि प्रगत तंत्रज्ञानाने सुसज्ज असेल.
Apple च्या या फोल्डेबल फोनबाबत अनेक अहवाल समोर आले आहेत. तज्ज्ञांच्या मते, हा फोन २०२५ च्या उत्तरार्धात किंवा २०२६ च्या सुरुवातीला बाजारात येऊ शकतो. हा iPhone नेहमीच्या स्मार्टफोनपेक्षा वेगळा आणि अधिक मल्टीफंक्शनल असणार आहे. किंमतीबाबत बोलायचे झाल्यास, या फोनची सुरुवातीची किंमत ₹१,५०,००० असण्याची शक्यता आहे, तर हाय-एंड व्हेरिएंटची किंमत ₹२,५०,००० पेक्षा अधिक असू शकते.
Apple फोल्डेबल iPhone ची डिझाइन
Apple चा फोल्डेबल iPhone प्रीमियम आणि कॉम्पॅक्ट डिझाइनसह येणार आहे. चिनी सोशल मीडिया प्लॅटफॉर्म Weibo वरील टिपस्टर Digital Chat Station नुसार, या फोनची रचना Oppo Find N मालिकेसारखी असेल, परंतु तो अधिक कॉम्पॅक्ट असेल.फोल्ड झाल्यावर फोन अत्यंत कॉम्पॅक्ट असेल, तर उघडल्यावर तो iPad सारखा मोठा अनुभव देईल. याचा अर्थ, युजर्सना iPhone आणि iPad चा एकत्रित अनुभव मिळणार आहे, ज्यामुळे काम, मल्टीमीडिया आणि गेमिंगसाठी हा एक उत्कृष्ट पर्याय ठरेल.
Apple फोल्डेबल iPhone फीचर्स
Apple ने या डिव्हाइससाठी अनेक अत्याधुनिक तंत्रज्ञानाचा वापर केला आहे. ह्या स्मार्टफोनमध्ये प्रोसेसर: A18 बायोनिक किंवा M-सिरीज चिप (प्रगत परफॉर्मन्ससाठी), ऑपरेटिंग सिस्टम: iOS 18 (Apple Intelligence सह), मुख्य कॅमेरा: ४८MP ड्युअल-कॅमेरा सेटअप (प्रगत इमेज प्रोसेसिंगसह), फ्रंट कॅमेरा: १२MP सेल्फी कॅमेरा (Face ID आणि AR सपोर्टसह), बॅटरी: ४५००mAh (फास्ट चार्जिंग सपोर्ट), कनेक्टिव्हिटी: ५G, Wi-Fi 6E, ब्लूटूथ ५.३, UWB टेक्नोलॉजी
Apple चा पहिला फोल्डेबल iPhone अत्याधुनिक तंत्रज्ञान, ताकदवान प्रोसेसर आणि प्रगत डिस्प्ले टेक्नोलॉजीसह सादर होणार आहे. यामध्ये iPhone आणि iPad चा अनोखा संगम दिसून येईल, जो वापरकर्त्यांना मल्टीटास्किंग, गेमिंग आणि प्रोफेशनल कामांसाठी एकाच डिव्हाइसचा फायदा मिळवून देईल.
