OnePlus India : जर तुम्हाला स्वस्तात महागडा फोन घ्यायचा असेल तर तुमच्यासाठी एक आनंदाची बातमी आहे. OnePlus ने पुन्हा एकदा आपल्या लोकप्रिय स्मार्टफोन OnePlus 11 ची किंमत कमी केली आहे. कपंनीने हा फोन दोन प्रकारांमध्ये लॉन्च केला आहे.
कंपनीने OnePlus 11 च्या 8 जीबी रॅम आणि 128 जीबी इंटरनल स्टोरेजसह व्हेरिएंटची किंमत कमी केली आहे. लॉन्चच्या वेळी या फोनची किंमत 56,999 रुपये होती. कंपनीने पहिल्यांदा त्याची किंमत 2,000 रुपयांनी कमी केली होती. आणि आता त्याची किंमत आणखी तीन हजार रुपयांनी कमी करण्यात आली आहे. किंमती कमी झाल्यानंतर तुम्ही हा फोन 51,999 रुपयांना खरेदी करू शकता. फोन खरेदी करण्यासाठी तुम्ही ICICI किंवा HDFC बँकेचे कार्ड वापरल्यास तुम्हाला 3,000 रुपयांची सूट मिळेल.
OnePlus 11 वैशिष्ट्ये
या फोनमध्ये 1440×3216 पिक्सेल रिझोल्यूशनसह 6.7 इंच क्वाड एचडी डिस्प्ले आहे. फोनमध्ये दिलेला हा AMOLED डिस्प्ले 120Hz च्या रीफ्रेश रेटला सपोर्ट करतो. डिस्प्ले संरक्षणासाठी फोनमध्ये तुम्हाला कॉर्निंग गोरिल्ला ग्लास विक्टस देखील मिळेल. फोन 16 GB पर्यंत रॅम पर्यायांमध्ये येतो. प्रोसेसर म्हणून, तुम्हाला यात Snapdragon 8 Gen 2 चिपसेट मिळेल. फोटोग्राफीसाठी, फोनमध्ये एलईडी फ्लॅशसह हॅसलब्लॅड पॉवर्ड ट्रिपल कॅमेरा सेटअप आहे.
यात 50-मेगापिक्सेल मुख्य लेन्ससह 48-मेगापिक्सेल अल्ट्रा-वाइड अँगल कॅमेरा आणि 32-मेगापिक्सेल टेलिफोटो लेन्सचा समावेश आहे. त्याच वेळी, कंपनी सेल्फीसाठी या फोनमध्ये 16 मेगापिक्सलचा फ्रंट कॅमेरा देत आहे. फोनमध्ये दिलेली बॅटरी 5000mAh आहे. ही बॅटरी 100 वॅट फास्ट चार्जिंगला सपोर्ट करते. कंपनीचा दावा आहे की या चार्जिंग तंत्रज्ञानाच्या मदतीने फोन अवघ्या 25 मिनिटांत पूर्ण चार्ज होतो.
