अहमदनगर Live24 टीम, 30 जानेवारी 2022 :- टेक ब्रँड जिओनीने आपल्या घरगुती बाजारपेठेत चीनमध्ये एक नवीन मोबाइल फोन सादर केला आहे. ही कंपनी सध्या भारतात सक्रिय नाही, परंतु या नवीन स्मार्टफोनचा उल्लेख कंपनीकडून करण्यात आला आहे कारण त्याचा लुक आणि डिझाइन Apple iPhone 13 सारखे आहे.(Apple iPhone 13)
जिओनीने आपला फोन आयफोनसारखा बनवला आहे जो समोर आणि मागील दोन्ही पॅनलवर Apple फोनचा लूक देतो. फोनचा डिस्प्ले आणि मागील कॅमेरा डिझाइन आयफोन 13 प्रमाणेच आहे, जो लोकांचे लक्ष वेधून घेत आहे आणि टेक जगात चर्चेत आहे.
Gionee 13 Pro :- Gionee 13 Pro कंपनीने 19:9 आस्पेक्ट रेशोवर सादर केला आहे जो 6.26 इंच HD+ डिस्प्लेला सपोर्ट करतो. फोनची स्क्रीन एलसीडी पॅनेलवर बनवली आहे, ज्याचा स्क्रीन-टू-बॉडी रेशो 90.3 टक्के आहे. या फोनचे सर्वात मोठे वैशिष्ट्य म्हणजे त्याची रचना, जी अगदी Apple iPhone 13 सारखी आहे. बेझल-लेस स्क्रीनच्या वरच्या बाजूला रुंद नॉच आणि तळाशी हलका चिन पार्ट आहे.
Gionee 13 Pro स्मार्टफोन गुगलच्या Android वर नव्हे तर Huawei च्या HarmonyOS वर लॉन्च करण्यात आला आहे. या फोनमध्ये HMS म्हणजेच Huawei मोबाईल सेवा वापरता येईल. त्याच वेळी, प्रोसेसिंगसाठी या जिओनी फोनमध्ये Unisoc T310 चिपसेट देण्यात आला आहे. मार्केटमध्ये हा फोन 4 GB रॅम मेमरी वर लॉन्च करण्यात आला आहे, जो 32 GB आणि 128 GB इंटरनल स्टोरेजला सपोर्ट करतो.
फोटोग्राफीसाठी, Gionee 13 Pro स्मार्टफोन ड्युअल रियर कॅमेऱ्यांना सपोर्ट करतो. या कॅमेरा सेटअपमधील लेन्स iPhone 13 प्रमाणेच आहे, जिथे LED फ्लॅशसह 13-मेगापिक्सलचा प्राथमिक सेन्सर आणि AI लेन्स देण्यात आला आहे. त्याचप्रमाणे हा मोबाइल फोन सेल्फी आणि व्हिडिओ कॉलिंगसाठी 5 मेगापिक्सेल फ्रंट कॅमेराला सपोर्ट करतो.
सुरक्षेसाठी, Gionee 13 Pro मध्ये फक्त फेस अनलॉक पर्याय देण्यात आला आहे, तर हा स्मार्टफोन पॉवर बॅकअपसाठी 3,500 mAh बॅटरीला सपोर्ट करतो. या फोनची सुरुवातीची किंमत 529 युआन म्हणजेच 6,200 रुपयांच्या जवळपास आहे. चीनमध्ये हा फोन डीप सी ब्लू, ग्लो गोल्ड, ब्रिलियंट पर्पल आणि ग्रेफाइट ब्लॅक कलरमध्ये लॉन्च करण्यात आला आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
