Ofers On OnePlus : Android सेगमेंटमध्ये OnePlus फोन्सना खूप पसंती दिली जात आहे. अशातच तुम्हीही वनप्लस चाहते असाल आणि नवीन फोन घेण्याच्या तयारीत असाल तर तुमच्यासाठी ही संधी खूप उत्तम आहे. कारण, Amazon वर सध्या OnePlus कम्युनिटी सेल सुरू आहे.
या सेलमध्ये OnePlus फोनवर मोठ्या सवलती दिल्या जात आहेत. या सवलती अंतर्गत, OnePlus Nord CE4 खूप चांगल्या डीलवर खरेदी केला जाऊ शकतो. सेलच्या बॅनरवर ‘हा सर्वाधिक विकला जाणारा फोन आहे’ असे लिहिले आहे. ग्राहक हा फोन 22,999 रुपयांच्या सुरुवातीच्या किमतीत खरेदी करू शकतात. त्यासोबत बँकेची ऑफर जोडलेली आहे. एक्सचेंज ऑफरवरही फोन खरेदी करता येईल, जेणेकरून फोनवर चांगली सूट मिळेल.
फोनसोबत नो-कॉस्ट ईएमआय आणि विविध बँक ऑफर्सचे फायदे दिले जात आहेत. याशिवाय, तुम्हाला हवे असल्यास, तुम्ही 4,167 रुपयांच्या 6 महिन्यांच्या ईएमआयवर देखील फोन खरेदी करू शकता. या फोनमध्ये तुम्हाला काय खास फीचर्स पाहायला मिळतील, जाणून घेऊया…
हा OnePlus स्मार्टफोन Android 14 वर आधारित OxygenOS 14 वर चालतो आणि 120Hz रिफ्रेश रेटसह 6.7-इंच फुल-एचडी (1,080×2,412 पिक्सेल) AMOLED डिस्प्ले आहे. याशिवाय डिस्प्लेमध्ये HDR10 सपोर्टही देण्यात आला आहे. या स्मार्टफोनमध्ये octa-core Snapdragon 7 Gen 3 प्रोसेसर आहे. गेमिंगसाठी X-axis लिनियर मोटर देखील आहे.
फोटोग्राफीसाठी, फोनच्या मागील बाजूस 50MP प्राथमिक कॅमेरा आणि 8MP अल्ट्रा-वाइड अँगल कॅमेरा प्रदान करण्यात आला आहे. सेल्फीसाठी फोनच्या पुढील बाजूस 16MP कॅमेरा आहे. त्याची अंतर्गत मेमरी 256GB आहे आणि कार्डच्या मदतीने मेमरी 1TB पर्यंत वाढवता येते.
OnePlus Nord CE 4 मध्ये हाय-रेस ऑडिओ सपोर्टसह ड्युअल-स्टिरीओ स्पीकर आहेत. त्याची बॅटरी 5,500mAh आहे आणि 100W SuperVOOC फास्ट चार्जिंग सपोर्ट देखील येथे दिला गेला आहे. कनेक्टिव्हिटीच्या बाबतीत, फोन 5G, 4G LTE, ड्युअल-बँड वाय-फाय, ब्लूटूथ 5.4, GPS, GLONASS, BDS, Galileo, QZSS आणि USB Type-C पोर्टला सपोर्ट करतो.
