Apple iPhone : जर तुम्ही Apple यूजर असाल तर तुमच्यासाठी ही बातमी महत्त्वाची आहे. कंपनीने आपल्या काही धोरणांमध्ये बदल केले आहेत. ज्याचा परिणाम थेट युजर्सच्या खिशावर होणार आहे.
Apple लवकरच आपली वॉरंटी पॉलिसी बदलण्याच्या तयारीत आहे. या बदलांनंतर आयफोन आणि ऍपल वॉच वापरकर्त्यांना सिंगल हेअर लाइन क्रॅक डॅमेज दुरुस्तीसाठी पैसे मोजावे लागतील. तथापि, हे सर्व बदल iPad आणि Mac वापरकर्त्यांसाठी लागू होणार नाहीत.
तुमच्या माहितीसाठी, Apple आपल्या मानक वॉरंटी पॉलिसीमध्ये बदल करण्याच्या तयारीत आहे, जे लवकरच लागू होऊ शकते. या नवीन धोरणानुसार, ॲपलच्या स्मार्टफोन आणि स्मार्टवॉचमधील ‘सिंगल हेअरलाइन क्रॅक’ यापुढे मानक वॉरंटी अंतर्गत येणार नाहीत, यासाठी वापरकर्त्यांना पैसे मोजावे लागतील कारण कंपनी हे अपघाती नुकसान मानणार आहे.
या बदलांच्या अंमलबजावणीनंतर, ऍपल वापरकर्त्यांना आता त्यांच्या उपकरणांना एकल हेअरलाइन क्रॅक दुरुस्त करण्यासाठी पैसे द्यावे लागतील. आतापर्यंत, ऍपलने त्याच्या मानक वॉरंटी पॉलिसी अंतर्गत सिंगल हेअरलाइन क्रॅक आणि इतर अदृश्य नुकसान कव्हर केले होते.
काही अहवालांमध्ये असा दावा करण्यात आला आहे की, या आठवड्याच्या अखेरीस Apple Stores आणि Apple अधिकृत सेवा प्रदाते या बदलांबाबत सूचना जारी करू शकतात. कंपनी फक्त iPhone आणि Apple Watch साठी आपली वॉरंटी पॉलिसी बदलणार आहे.
ॲपलने अद्याप या बदलांबाबत कोणतीही अधिकृत माहिती शेअर केलेली नाही. हा बदल लागू केल्यास, Apple iPhone 15 आणि iPhone SE सारख्या डिव्हाइसेसच्या स्क्रीन बदलण्यासाठी अनुक्रमे 25,500 आणि 13,200 रुपये आकारेल. जर वापरकर्त्यांकडे Apple Care Plus कव्हर असेल तर त्यांना 2,500 रुपयांची सूट मिळेल.
