Mobile Internet Speed:- 5जी तंत्रज्ञान आले असले तरी अनेक स्मार्टफोन वापरकर्त्यांना स्लो इंटरनेटचा अनुभव येतो. काही वेळेस इंटरनेट सुरळीत चालत असते पण अचानकच इंस्टाग्राम रील्स स्क्रोल होणे थांबते, वेबसाइट लोड होण्यासाठी बराच वेळ लागतो, गाणी डाउनलोड करताना किंवा ऑनलाइन गेम खेळताना अडचणी येतात.
इंटरनेटचा वेग कमी होण्याची ही एक सामान्य समस्या आहे.पण काही साध्या पद्धतींचा अवलंब केल्यास तुम्ही तुमच्या स्मार्टफोनचा इंटरनेट वेग वाढवू शकता. चला तर मग हे उपाय जाणून घेऊया.
या टिप्स वापरा आणि इंटरनेटचा स्पीड वाढवा
कॅशे मेमरी साफ करा
स्मार्टफोनमध्ये अनेक अॅप्सचा वापर केल्याने त्यांची कॅशे मेमरी भरत जाते. ज्यामुळे फोनच्या कामगिरीवर आणि इंटरनेटच्या वेगावर परिणाम होतो. कॅशे साफ केल्याने स्मार्टफोन अधिक वेगवान होतो आणि इंटरनेट ब्राउझिंगचा अनुभव सुधारतो. कॅशे काढण्यासाठी-
सेटिंग्ज > अॅप्स आणि सूचना > सर्व अॅप्स > संबंधित अॅप निवडा > स्टोरेज आणि कॅशे > कॅशे साफ करा.
हे सर्व अॅप्ससाठी साफ करून घेतल्यास, इंटरनेटचा वेग सुधारण्यास मदत होईल.
बॅकग्राउंड डेटा वापर नियंत्रित करा
अनेक अॅप्स बॅकग्राउंडमध्ये चालू राहतात आणि इंटरनेट डेटा वापरत राहतात, ज्यामुळे तुमच्या मुख्य कामाकरिता आवश्यक बँडविड्थ कमी होते. अनावश्यक डेटा वापर थांबवण्यासाठी:
सेटिंग्ज > डेटा वापर > संबंधित अॅप निवडा > ‘पार्श्वभूमी डेटा’ पर्याय बंद करा. यामुळे बॅकग्राउंडमध्ये डेटा वापरणारे अॅप्स बंद होतील आणि इंटरनेट स्पीड सुधारेल.
ऑटो-अपडेट्स बंद करा
मोबाईल डेटा वापरत असताना अनेकदा अॅप्स बॅकग्राउंडमध्ये आपोआप अपडेट होतात. ज्यामुळे इंटरनेटचा वेग कमी होतो. हे नियंत्रित करण्यासाठी:
गुगल प्ले स्टोअर > मेनू > सेटिंग्ज > ऑटो-अपडेट अॅप्स > ‘Don’t auto-update apps’ निवडा.
यामुळे तुम्ही केवळ वाय-फायवर असताना किंवा गरज असेल तेव्हाच अॅप्स अपडेट करू शकता.
नेटवर्क सेटिंग्ज मॅन्युअली निवडा
फोन नेटवर्क ऑटोमॅटिक मोडवर असल्यास, तो वेगवेगळ्या नेटवर्क्समध्ये सतत स्विच करत राहतो. त्यामुळे इंटरनेटचा वेग कमी होऊ शकतो. योग्य नेटवर्क निवडण्यासाठी:
सेटिंग्ज > मोबाइल नेटवर्क > नेटवर्क ऑपरेटर्स > ‘ऑटोमॅटिकली सिलेक्ट’ बंद करा आणि तुमच्या नेटवर्क प्रदात्याचा पर्याय निवडा. यामुळे स्थिर आणि वेगवान कनेक्शन मिळण्यास मदत होईल.
VPN वापरणे थांबवा
VPN कनेक्शन सुरक्षित असत. पण काही वेळेस हे इंटरनेटचा वेग कमी करू शकते. जर तुम्ही VPN वापरत असाल आणि वेग कमी होत असेल तर VPN बंद करून स्पीड तपासा.याउलट काही परिस्थितींमध्ये VPN वापरण्याने इंटरनेट स्पीड वाढू शकतो. कारण तो तुमच्या कनेक्शनला सुरक्षित सर्व्हरमार्गे रूट करतो. त्यामुळे जर वेग कमी असेल तर VPN वापरूनही पाहा.
ब्राउझर डेटा साफ करा
वेबसाइट्स ब्राउझ करताना ब्राउझरमध्ये कॅशे आणि कुकीज साठवल्या जातात. ज्यामुळे इंटरनेटचा वेग कमी होऊ शकतो. नियमितपणे ब्राउझर डेटा साफ करण्यासाठी:
ब्राउझर उघडा > सेटिंग्ज > गोपनीयता > ‘कॅश्ड इमेजेस आणि फाइल्स’ आणि ‘कुकीज’ निवडा > ‘क्लियर डेटा’ वर क्लिक करा.
यामुळे ब्राउझिंग अनुभव वेगवान होईल.
फोनचे सॉफ्टवेअर अपडेट करा
स्मार्टफोनच्या कार्यक्षमतेसाठी आणि इंटरनेटच्या वेगासाठी सॉफ्टवेअर अपडेट करणे महत्त्वाचे आहे. कारण अपडेट्सद्वारे विविध बग फिक्स होतात आणि नवीन फीचर्स मिळतात.
सेटिंग्ज > सॉफ्टवेअर अपडेट > डाउनलोड आणि इंस्टॉल.
यामुळे फोन अधिक वेगवान होईल आणि इंटरनेट ब्राउझिंगचा अनुभव सुधारेल.
त्यामुळे वरील सोप्या पद्धतींचा अवलंब केल्यास तुमच्या स्मार्टफोनच्या इंटरनेट स्पीडमध्ये लक्षणीय सुधारणा होईल. त्यामुळे ब्राउझिंग, व्हिडिओ स्ट्रीमिंग, गेमिंग आणि डाउनलोडिंग अधिक वेगवान आणि सुरळीत होईल. या सेटिंग्ज लगेच बदलून पाहा आणि वेगवान इंटरनेटचा आनंद घ्या.
