Nokia Smartphones : नोकिया लवकरच आपला नवीन फोन Nokia G42 5G लॉन्च करणार आहे. त्याची पहिली विक्री भारतात 8 मार्च 2024 रोजी महिला दिनादिवशी होणार आहे. Nokia G42 5G मध्ये 6.56 इंच एचडी डिस्प्ले, 50 मेगापिक्सेल रिअर कॅमेरा आणि 5000mAh बॅटरी आहे. चला Nokia G42 5G चे इतर फीचर्स आणि स्पेसिफिकेशन्स जाणून घेऊया…
Nokia G42 5G किंमत
किंमतीबद्दल बोलायचे झाले तर Nokia G42 5G च्या 4GB RAM / 128GB स्टोरेज वेरिएंटची किंमत 9,999 रुपये आहे. या स्मार्टफोनची पहिली विक्री 8 मार्च 2024 रोजी महिला दिनी होईल.
Nokia G42 5G वैशिष्ट्ये
Nokia G42 5G मध्ये 6.56 इंच HD डिस्प्ले आहे, ज्याचा रीफ्रेश रेट 90Hz आहे. डिस्प्लेवर कॉर्निंग गोरिल्ला ग्लास 3 प्रोटेक्शन देण्यात आले आहे. Nokia G42 5G मध्ये ऑक्टा कोर स्नॅपड्रॅगन 480 प्लस 5G प्रोसेसर आहे. फोनमध्ये 4GB रॅम आहे, जी व्हर्च्युअल रॅमद्वारे 2GB ते 6GB ने वाढवता येते. आणि 128GB इनबिल्ट स्टोरेज देण्यात आले आहे. हा स्मार्टफोन Android 13 ऑपरेटिंग सिस्टमवर काम करतो आणि कंपनी 2 वर्षांसाठी OS सिस्टम अपग्रेड आणि 3 वर्षांसाठी सुरक्षा अपडेट देते.
कॅमेरा
कॅमेरा सेटअपबद्दल बोलायचे झाले तर Nokia G42 5G च्या मागील बाजूस 50-मेगापिक्सलचा फ्रंट कॅमेरा, 2-मेगापिक्सलचा डेप्थ सेन्सर आणि 2-मेगापिक्सलचा मॅक्रो लेन्स आहे. समोर 8 मेगापिक्सेल सेल्फी कॅमेरा आहे. या स्मार्टफोनमध्ये 20W फास्ट चार्जिंगला सपोर्ट करणारी 5000mAh बॅटरी आहे. हा स्मार्टफोन केवळ दिसण्यातच चांगला नाही तर पर्यावरणासाठीही चांगला आहे. यात 65 टक्के पुनर्नवीनीकरण केलेल्या प्लास्टिकपासून बनवलेले २-पीस युनिबॉडी डिझाइन आहे.
