OnePlus : वनप्लस लवकरच एक नवीन फोन लॉन्च करण्याच्या तयारीत आहे. कपंनी Ace 3 Pro चीनमध्ये लॉन्च करू शकते. गेल्या काही महिन्यांपूर्वी कपंनीने त्याच्याशी संबंधित माहिती दिली होती, ज्यात त्याच्या डिझाइन आणि वैशिष्ट्यांविषयी माहिती देण्यात आली होती.
हा फोन 100W चार्जिंगसह लॉन्च केला जाऊ शकतो. तसेच यात 6.78 इंचाचा OLED डिस्प्ले असल्याचीही बातमी आहे. स्मार्टफोनच्या चिपसेटबाबतही माहिती समोर आली आहे. या फोनबाबत आणखी माहिती जाणून घ्यायची असेल तर ही बातमी शेवट पर्यंत वाचा.
याच्या डिझाइन बाबतीत बोलायचे झाल्यास, स्मार्टफोनमध्ये सिरॅमिक आणि लेदर बॅक पॅनेल असू शकते. सिरॅमिक पर्याय फक्त पांढऱ्या रंगात येईल आणि काचेचा पर्याय चमकदार चांदीच्या फिनिशसह येऊ शकेल. OnePlus 11 आणि OnePlus 12 मालिका मॉडेल प्रमाणेच, आगामी Ace 3 Pro ला देखील एक गोलाकार कॅमेरा बेट मिळू शकतो.
यात 6.78-इंच वक्र OLED डिस्प्ले असल्याची माहिती आहे. पॅनेल 1.5K रिझोल्यूशनसह येईल, जे 120Hz पर्यंत रिफ्रेश रेटला समर्थन देईल. त्याच वेळी, फोनमध्ये 16-मेगापिक्सलचा सेल्फी कॅमेरा दिला जाऊ शकतो, जो पंच होल कटआउटच्या आत ठेवला जाईल.
बॅक कॅमेराबद्दल बोलायचे झाल्यास मागे तीन लेन्स दिल्या जाऊ शकतात, ज्यामध्ये 50-मेगापिक्सेलचा सोनी IMX890 सेन्सर असू शकतो. याशिवाय, फोन 8-मेगापिक्सेल अल्ट्रा वाइड अँगल लेन्स आणि 2-मेगापिक्सेल डेप्थ किंवा मॅक्रो सेन्सरसह सुसज्ज असू शकतो.
काही मागील लीक्समध्ये, असा दावाही करण्यात आला आहे की Ace 3 Pro मध्ये Qualcomm चा Snapdragon 8 Gen 3 प्रोसेसर मिळू शकतो, जो 16GB पर्यंत RAM आणि 1TB पर्यंत स्टोरेजसह जोडला जाईल. फोनमध्ये 6,100mAh बॅटरी असू शकते, जी 100W वायर्ड फास्ट चार्जिंगला सपोर्ट करू शकते. असे झाल्यास, हा सर्वात मोठा बॅटरी असलेला OnePlus स्मार्टफोन असेल.
कंपनी चीनमध्ये OnePlus Ace 3 Pro कधी लॉन्च करेल हे सध्या माहित नाही. मात्र, हा फोन चीनमध्येच लॉन्च होणार हे निश्चित आहे.
