Oppo A38 : बाजारात ओप्पोच्या स्मार्टफोनला मोठ्या प्रमाणात मागणी आहे. जर तुम्ही नवीन स्मार्टफोन खरेदी करणार असाल तर तुमच्यासाठी एक आनंदाची बातमी आहे. कारण कंपनीने नुकताच आपला Oppo A38 हा स्मार्टफोन लाँच केला आहे.
कंपनीचा हा नवीन हा स्मार्टफोन ग्लोइंग ब्लॅक आणि ग्लोइंग गोल्ड अशा दोन रंगांच्या पर्यायांमध्ये लाँच केला आहे. नुकतीच त्याची एंट्री UAE मध्ये झाली आहे. लवकरच तो भारतातही लॉन्च होणार आहे. परंतु कंपनीने अजूनही त्याची किंमत जाहीर केली नाही. यात 50MP कॅमेरा आणि 4 GB रॅम आणि 64 GB इंटरनल स्टोरेज देण्यात आले आहे.
जाणून घ्या Oppo A38 चे फीचर्स आणि स्पेसिफिकेशन
कंपनीकडून आपल्या नवीन Oppo A38 फोनमध्ये 720×1612 पिक्सेल रिझोल्यूशनसह 6.56-इंचाचा HD डिस्प्ले देण्यात येत आहे. हा डिस्प्ले 90Hz च्या रीफ्रेश दर आणि 720 nits च्या पीक ब्राइटनेस पातळीसह ग्राहकांना खरेदी करता येईल.
त्याशिवाय या स्मार्टफोनमध्ये वॉटरड्रॉप नॉच डिझाइनसह डिस्प्ले येईल. ज्याचा स्क्रीन टू बॉडी रेशो 89.90% इतका आहे. स्टोरेजचा विचार केला तर हा फोन 4 GB रॅम आणि 64 GB अंतर्गत स्टोरेजने सुसज्ज असून यात MediaTek Helio G85 चिपसेट दिली आहे. तर फोटोग्राफीसाठी या फोनमध्ये कंपनीकडून एलईडी फ्लॅशसह दोन कॅमेरे देण्यात आले आहेत.
यात 50-मेगापिक्सेलच्या मुख्य लेन्ससह 2-मेगापिक्सेल पोर्ट्रेट लेन्सचा समावेश केला आहे. त्याशिवाय कंपनीने आपल्या वापरकर्त्यांना यात सेल्फीसाठी 5-मेगापिक्सेल फ्रंट कॅमेरा दिला आहे. या फोनमध्ये ऑफर करण्यात आलेल्या पुढील आणि मागील कॅमेर्‍यांसह तुम्ही 30 fps वर 1080p व्हिडिओ शूट करता येईल.
या स्मार्टफोनला पॉवर देण्यासाठी यात 5000mAh ची बॅटरी दिली आहे. फोनची ही बॅटरी 33 वॅटच्या सुपरव्हूक चार्जिंगला सपोर्ट करेल. यात साइड-माउंटेड फिंगरप्रिंट सेन्सरने सुसज्ज असणाऱ्या 4G VoLTE, USB टाइप-C पोर्ट, ड्युअल सिम, Wi-Fi, GPS आणि कनेक्टिव्हिटीसाठी 3.5mm हेडफोन देण्यात आले आहे.
