Oppo लवकरच भारतात एक नवीन स्मार्टफोन मिड रेंजमध्ये लॉन्च करणार आहे. कंपनीने OPPO A57 4G स्मार्टफोन भारत आणि थायलंडमध्ये लॉन्च केला आहे. आता कंपनी लवकरच आणखी एक स्मार्टफोन आणण्याचा विचार करत आहे. Oppo चा हा स्मार्टफोन OPPO A57s नावाने भारतीय बाजारपेठेत प्रवेश करणार आहे.
Oppo च्या आगामी स्मार्टफोनचे काही स्पेसिफिकेशन्स आणि किंमती लॉन्च होण्यापूर्वीच समोर आल्या आहेत. टिपस्टर सुधांशू अंभोरे यांनी ओप्पोच्या आगामी OPPO A57s स्मार्टफोनची वैशिष्ट्ये शेअर केली आहेत. यासोबतच सुधांशूने आगामी Oppo स्मार्टफोनचे रेंडरही शेअर केले आहेत. आज आम्ही तुम्हाला Oppo च्या आगामी स्मार्टफोनबद्दल माहिती देत आहोत.
OPPO A57s वैशिष्ट्ये
टिपस्टर सुधांशू अंभोर यांच्या मते, OPPO A57s स्मार्टफोनमध्ये HD रिझोल्यूशन (1612 x 720p पिक्सेल) आणि 60Hz रिफ्रेश रेटसह 6.5-इंचाचा LCD पॅनेल असेल. या Oppo फोनच्या आकाराबद्दल बोलायचे झाले तर, तो 163.74 x 75.03 x 7.99 मिमी आणि वजन 187 ग्रॅम असेल. Oppo चा हा फोन MediaTek Helio G35 प्रोसेसर सह लॉन्च होईल. यासोबतच फोनमध्ये कनेक्टिव्हिटीसाठी 4G दिला जाईल. हा फोन 4GB LPDDR4X रॅम आणि 128GB स्टोरेज सह लॉन्च केला जाईल. Oppo च्या या फोनमध्ये 5,000mAh ची बॅटरी आणि 33W फास्ट चार्जिंग असेल.
कॅमेरा बद्दल बोलायचे झाले तर Oppo च्या आगामी फोन मध्ये डुअल रियर कॅमेरा सेटअप दिला जाईल. फोनमध्ये 50MP प्राथमिक कॅमेरा, 2MP दुय्यम कॅमेरा दिला जाईल. यासोबतच सेल्फीसाठी फोनमध्ये 8MP फ्रंट कॅमेरा सेटअप दिला जाईल. Oppo चा हा फोन Android 12 वर आधारित ColorOS 12.1 वर चालेल. या फोनमध्ये स्टीरिओ स्पीकर, साइड FPS, USB-C, 3.5mm जॅक, WIFI 5GHz आणि Bluetooth 5.3 असतील.
OPPO A57s : किंमत
4GB रॅम आणि 128GB स्टोरेज वेरिएंटसह आगामी OPPO A57s स्मार्टफोनची किंमत सुमारे 16,000 रुपये असू शकते. Oppo चा हा फोन कधी लाँच होईल याबाबत सध्या कोणतीही माहिती मिळालेली नाही.
