POCO Mobile Phones : चीनी स्मार्टफोन निर्माता पोकोने देशात 12 जीबी रॅम आणि 256 जीबी स्टोरेजसह X6 5G चा नवीन प्रकार लॉन्च केला आहे. हा स्मार्टफोन सुमारे एक महिन्यापूर्वी 8 GB 256 GB आणि 12 GB 512 GB च्या वेरिएंटमध्ये सादर करण्यात आला होता. यात Snapdragon 7s Gen 2 SoC प्रोसेसर आहे. तसेच Poco X6 5G मध्ये 1.5K रिझोल्यूशनसह AMOLED डिस्प्ले आणि ट्रिपल रियर कॅमेरा युनिट आहे.
त्याच्या नवीन व्हेरिएंटची किंमत 23,999 रुपये आहे हा स्मार्टफोन दोन रंग पर्यायनामध्ये ई-कॉमर्स साइट फ्लिपकार्टवर खरेदीसाठी उपलब्ध आहे. तुम्ही HDFC, Axis, ICICI आणि SBI बँक कार्ड वापरून पेमेंट केल्यास किंवा EMI द्वारे खरेदी केल्यास तुम्हाला 3,000 ची अतिरिक्त सूट यावर मिळू शकते. त्याच्या 8 GB 256 GB आणि 12 GB 512 GB व्हेरियंटची किंमत अनुक्रमे 21,999 रुपये आणि 24,999 रुपये आहे.
हा ड्युअल सिम (नॅनो) स्मार्टफोन आहे. Poco X6 5G हा Android 14 वर आधारित HyperOS आउट-ऑफ-द-बॉक्स वर चालतो. यासाठी 3 OS अपग्रेड आणि चार वर्षांचे सिक्युरिटी अपडेट्स देण्याचे आश्वासन देण्यात आले आहे.
यात 120 Hz च्या रीफ्रेश रेटसह 6.67-इंच 1.5K (1,220×2,712 पिक्सेल) डिस्प्ले आहे आणि 1,800 nits ब्राइटनेस आहे. या स्मार्टफोनमध्ये 64 मेगापिक्सलचा फ्रंट कॅमेरा, 8 मेगापिक्सलचा अल्ट्रा वाइड-एंगल कॅमेरा आणि 2 मेगापिक्सेलचा मॅक्रो कॅमेरा आहे. यात सेल्फी आणि व्हिडिओ कॉलसाठी 16 मेगापिक्सेल कॅमेरा आहे.
या स्मार्टफोनच्या कनेक्टिव्हिटी पर्यायांमध्ये 4G LTE, 5G, ब्लूटूथ, NFC, GPS आणि USB Type-C पोर्टचा समावेश आहे. Poco X6 मध्ये 5,100 mAh बॅटरी आहे. नुकतेच Poco ने C65 लाँच केले. या स्मार्टफोनचे काही फीचर्स Redmi 13C सारखे आहेत.
यात MediaTek Helio G85 प्रोसेसर आहे. दोन वर्षांसाठी अँड्रॉइड ओएस आणि सिक्युरिटी अपडेट्स मिळतील असे कंपनीने सांगितले होते. या स्मार्टफोनच्या 4 GB 128 GB व्हेरिएंटची किंमत 8,499 रुपये, 6 GB 128 GB व्हेरिएंटची किंमत 9,499 रुपये आणि 8 GB 256 GB व्हेरिएंटची किंमत 10,999 रुपये आहे.
