Vivo Smartphone : लोकप्रिय स्मार्टफोन ब्रँड Vivo ने भारतीय बाजारात आपला नवा प्रीमियम स्मार्टफोन Vivo X200T अधिकृतपणे लॉन्च केला आहे. उत्कृष्ट कॅमेरा क्षमता, पॉवरफुल प्रोसेसर आणि आकर्षक डिझाइनमुळे हा फोन लॉन्च होताच ग्राहकांचे लक्ष वेधून घेत आहे. Vivo X200T हा Vivo X200 सीरिजमधील नवा फोन असून, या सीरिजमधील इतर मॉडेल्सना आधीच चांगला प्रतिसाद मिळाला आहे.
Vivo X200T मध्ये 6.67-इंचाचा AMOLED डिस्प्ले देण्यात आला असून, तो 120Hz रिफ्रेश रेट आणि 5000 निट्स पीक ब्राइटनेससह येतो. त्यामुळे उन्हातही स्क्रीनवर उत्कृष्ट व्हिजिबिलिटी मिळते. हा स्मार्टफोन Android 16 आधारित Origin OS 6 वर चालतो, ज्यामुळे वापरकर्त्यांना स्मूद आणि लेटेस्ट सॉफ्टवेअर अनुभव मिळतो.
परफॉर्मन्ससाठी या फोनमध्ये MediaTek Dimensity 9400+ प्रोसेसर देण्यात आला आहे. हा प्रोसेसर गेमिंग, मल्टिटास्किंग आणि हाय-एंड अॅप्ससाठी अतिशय सक्षम मानला जातो. Vivo X200T दोन व्हेरिएंटमध्ये उपलब्ध आहे – 12GB RAM + 256GB स्टोरेज (₹59,999) आणि 12GB RAM + 512GB स्टोरेज (₹69,999).
कॅमेरा विभाग हा या फोनचा मोठा हायलाइट आहे. Vivo X200T मध्ये 50MP + 50MP + 50MP असा ट्रिपल रियर कॅमेरा सेटअप देण्यात आला आहे, ज्यात प्रायमरी, अल्ट्रा-वाइड आणि टेलिफोटो लेन्सचा समावेश आहे. याशिवाय, 32MP फ्रंट कॅमेरा देण्यात आला असून, तो सेल्फी आणि व्हिडिओ कॉलिंगसाठी उपयुक्त आहे.
बॅटरीबाबत बोलायचं झाल्यास, या फोनमध्ये 6200mAh क्षमतेची मोठी बॅटरी देण्यात आली आहे. ती 90W फास्ट चार्जिंग आणि 40W वायरलेस चार्जिंगला सपोर्ट करते. सुरक्षेसाठी फोनमध्ये इन-डिस्प्ले ऑप्टिकल फिंगरप्रिंट सेन्सर देण्यात आला आहे.
हा स्मार्टफोन सीसाइड लिलाक आणि स्टेलर ब्लॅक या दोन आकर्षक रंगांमध्ये उपलब्ध आहे. सध्या तो प्री-ऑर्डरसाठी खुला असून, Vivo ची अधिकृत वेबसाइट, Flipkart आणि ऑफलाइन स्टोअर्सवरून खरेदी करता येतो. लॉन्च ऑफर अंतर्गत ग्राहकांना ₹5,000 इंस्टंट डिस्काउंट किंवा ₹5,000 एक्सचेंज बोनस तसेच 18 महिन्यांचा नो-कॉस्ट EMI पर्यायही मिळत आहे.
