टेलिकॉम क्षेत्रात एअरटेल आणि जिओनंतर आता Vodafone Idea (Vi) नेही मोठा बदल केला आहे. ट्रायच्या (TRAI) निर्देशानुसार, Vi ने डेटा न वापरणाऱ्या युजर्ससाठी नवीन रिचार्ज प्लान सादर केला आहे. हा प्लान केवळ कॉलिंग आणि एसएमएससाठी डिझाइन करण्यात आला असून, अशा युजर्ससाठी फायदेशीर ठरणार आहे ज्यांना डेटा गरजेचा नाही.
ट्रायच्या आदेशाचा परिणाम
ट्रायने सर्व टेलिकॉम कंपन्यांना फक्त कॉलिंग आणि एसएमएससह रिचार्ज प्लान सादर करण्याचे निर्देश दिले होते. हा निर्णय मुख्यतः फीचर फोन युजर्स आणि २ सिम वापरणाऱ्या युजर्ससाठी घेण्यात आला आहे, ज्यांना डेटाची गरज कमी असते. या आदेशानुसार, जिओ आणि एअरटेलने आधीच असे प्लान सादर केले होते, आणि आता Vodafone Idea ने देखील त्यांच्या युजर्ससाठी नवीन प्लान आणला आहे.
१४६० रुपयांचा नवीन प्लान
व्हीआयने सादर केलेला हा नवीन प्लान दीर्घ वैधतेसह येतो आणि यामध्ये केवळ कॉलिंग आणि एसएमएसचा समावेश आहे.
- प्लान किंमत: १४६० रुपये
- वैधता: २७० दिवस (९ महिने)
- कॉलिंग: अनलिमिटेड कॉलिंग
- एसएमएस: दररोज १०० फ्री एसएमएस
- डेटा: कोणतेही डेटा फायदे नाहीत
हा प्लान विशेषतः त्यांच्यासाठी उपयुक्त आहे, ज्यांना केवळ कॉलिंग आणि एसएमएसची गरज आहे आणि इंटरनेटचा वापर कमी आहे.
काय आहे फायदे ?
व्हीआयच्या या नवीन प्लानमुळे फीचर फोन युजर्स आणि इंटरनेट कमी वापरणाऱ्या युजर्सना मोठा दिलासा मिळणार आहे. युजर्सना दीर्घकाळासाठी रिचार्ज करण्याची गरज भासत नाही, तसेच कमी खर्चात त्यांना कॉलिंग आणि एसएमएससारख्या मूलभूत सेवा उपलब्ध होणार आहेत.
ग्राहकांसाठी चांगला पर्याय
ट्रायच्या आदेशानंतर, जिओ आणि एअरटेलनेही त्यांच्या युजर्ससाठी फक्त कॉलिंग आणि एसएमएससाठी डिझाइन केलेले प्लान्स सादर केले होते. आता व्हीआयने या शर्यतीत उडी घेतली असून, त्यांचा नवीन प्लान डेटा न वापरणाऱ्या ग्राहकांसाठी चांगला पर्याय ठरणार आहे.
ट्रायच्या निर्णयामुळे बदल
ट्रायच्या आदेशामुळे सर्व प्रमुख टेलिकॉम कंपन्यांनी कमी डेटा किंवा नॉन-डेटा युजर्ससाठी स्वतंत्र प्लान सादर केले आहेत. या निर्णयामुळे डेटा न वापरणाऱ्या ग्राहकांना अधिक फायदेशीर आणि परवडणारे पर्याय मिळू लागले आहेत.
जर तुम्हाला इंटरनेटची गरज कमी असेल किंवा तुम्ही फक्त कॉलिंग आणि एसएमएससाठी रिचार्ज करत असाल, तर व्हीआयचा १४६० रुपयांचा प्लान तुमच्यासाठी परिपूर्ण ठरू शकतो. दीर्घ वैधता आणि अनलिमिटेड कॉलिंगसह तुम्ही काही महिन्यांसाठी रिचार्जची चिंता सोडू शकता.
