Whatsapp : मेटा-मालकीचे इन्स्टंट मेसेजिंग अॅप WhatsApp हे जगभरात सर्वाधिक लोकप्रिय आहे. पण आता 24ऑक्टोबरपासून निवडक iPhones मध्ये WhatsApp काम करणार नाही.
WABetaInfo नुसार, Apple काही वापरकर्त्यांना अलर्ट पाठवत आहे की त्यांच्यासाठी WhatsApp सपोर्ट बंद होणार आहे. iOS 10 आणि iOS 11 सॉफ्टवेअरवर चालणाऱ्या iPhone वर WhatsApp सपोर्ट उपलब्ध होणार नाही.
असे वृत्त आहे की WhatsApp ने iOS 10 किंवा iOS 11 आवृत्ती असलेल्या iPhone वापरकर्त्यांना अलर्ट पाठवणे सुरू केले आहे. याशिवाय या आयफोन्सवर व्हॉट्सअॅप चालवणाऱ्या युजर्सनाही अॅपवरून संदेश मिळू लागले आहेत की लवकरच त्यांच्या स्मार्टफोनमध्ये अॅप उपलब्ध होणार नाही.
iOS 10 आणि iOS 11 सॉफ्टवेअर आवृत्त्या सध्या बर्‍याच iPhones मध्ये वापरल्या जात नाहीत. आणि हे फक्त iPhone 5 आणि iPhone 5C वापरकर्त्यांना प्रभावित करेल. तुमचा फोन अजूनही जुन्या सॉफ्टवेअरवर चालत असेल तर लगेच अपडेट करा. अपडेट करण्यासाठी, सेटिंग्जमध्ये जाऊन सॉफ्टवेअर अपडेट वर जा आणि तुमचा फोन नवीनतम सॉफ्टवेअरवर चालत आहे का ते तपासा.
जुलै महिन्याच्या अखेरीस व्हॉट्सअॅपने देशभरातील सुमारे 24 लाख खाती बंद केली आहेत. व्हॉट्सअॅपने अलीकडेच एक मासिक अहवाल जारी केला आहे ज्यामध्ये खाते बंद झालेली संख्या दर्शविली आहे.
WhatsApp चा हा मासिक अहवाल माहिती तंत्रज्ञान (मध्यस्थ मार्गदर्शक तत्त्वे आणि डिजिटल मीडिया आचारसंहिता) नियम, 2021 अंतर्गत प्रकाशित करण्यात आला आहे. 1 जुलै ते 31 जुलै दरम्यान 23,87,000 खात्यांवर बंदी घालण्यात आली. यापैकी, 1,416,000 खाती सक्रियपणे प्रतिबंधित केली गेली आहेत, म्हणजेच वापरकर्त्यांनी तक्रार करण्यापूर्वीच ते प्रतिबंधित केले गेले आहेत.
