श्रीरामपूर : व्हॉट्सॲप ग्रुपवर टाकलेल्या बातमीच्या कारणावरून काल (दि. २४) राष्ट्रवादीच्या महिला पदाधिकारी यांनी एका नगरसेविकेच्या पतीला चांगलेच फटकारले.
पालिकेच्या प्रवेशद्वारावर हा प्रकार सुरू असताना या ठिकाणी उपस्थित असलेल्या पक्षाच्या शहराध्यक्षांनी मध्यस्थीचा केलेला प्रयत्न निष्फळ ठरला.
काल (दि. २४) प्रभाग नऊच्या पोटनिवडणुकीचा निकाल लागला. यात राष्ट्रवादी काँग्रेसच्या उमेदवाराचा विजय झाला.
या विजयाचा जल्लोष साजरा करण्यासाठी पक्षाचे पदाधिकारी, नगरसेवक व कार्यकर्ते जमा झाले होते. यावेळी राष्ट्रवादीच्या महिला आघाडीच्या एक पदाधिकारी व नगरसेवक महिलेच्या पतीसोबत काही कारणावरून वाद सुरू होता.
व्हॉट्सॲपवर टाकलेल्या बातमीवरून हा वाद उफाळून आल्याचे त्यांच्यातील शाब्दीक चकमकीतून समोर आले.
या महिलेने व्हॉट्सॲपवर बातम्या टाकण्यापूर्वी त्याची खातरजमा करत जा. उगीच काहीही बातम्या टाकू नये, असा इशारा देतानाच
‘आम्ही तुकड्यावर जगत नाही. तुम्ही तुकड्याच्या मागे पळता. यापुढे राष्ट्रवादीत ढवळाढवळ केली तर खपवून घेणार नाही,’ असा सज्जड दमही भरला.
दरम्यान, यावेळी येथे उपस्थित असलेले पक्षाचे शहराध्यक्ष यांनी मध्यस्थी करण्याचा प्रयत्न केला. मात्र, त्यांनाही दोन शब्द ऐकावे लागल्याने त्यांनी तेथून काढता पाय घेतला.
याचवेळी निवडणुकीचा जल्लोष करण्यासाठी काही कार्यकर्त्यांनी पालिकेच्या प्रवेशद्वारासमोर फटाके फोडायला सुरुवात झाल्याने या वादावर पडदा पडला.
- 801 किमी नाही, आता 840 किलोमीटर…..; 11 ऐवजी ‘या’ 13 जिल्ह्यांमधून जाणार नवा शक्तीपीठ महामार्ग !
- पुणे मेट्रो बाबत महत्त्वाची अपडेट ! 27 किलोमीटर लांबीचा नवा मेट्रो मार्ग लवकरच प्रवाशांच्या सेवेत, CM फडणवीस यांनी दिली माहिती
- बँक ग्राहकांसाठी महत्वाची बातमी ! देशातील ‘या’ चार बँकांच्या विलीनीकरणाच्या प्रस्तावाला आरबीआयची मंजुरी
- मुख्यमंत्री माझी लाडकी बहीण योजनेच्या लाभार्थ्यांसाठी महत्त्वाची बातमी ! केवायसी केल्यानंतरही ‘या’ महिलांना लाभ मिळणार नाही
- राज्यातील सोयाबीन आणि हरभरा उत्पादक शेतकऱ्यांसाठी महत्त्वाची बातमी ! सरकार लवकरच घेणार ‘हा’ मोठा निर्णय
