पारनेर :- तालुक्यातील कोहकडी येथे विवाहितेची धारदार शस्त्राने हत्या करण्यात आली. शुक्रवार संध्याकाळी सातच्या सुमारास ही घटना घडली.
संध्या सुभाष गव्हाणे (२२) असे या तिचे नाव असून विवाहबाह्य संबंधातून ही हत्या झाल्याचा संशय आहे.
गव्हाणे कुटुंबीय भटक्या समाजातील असून गेल्या काही वर्षांपासून ते कोहकडी येथे मोलमजुरीसाठी स्थायिक झाले आहेत.
मृत संध्याचे चार वर्षांपासून शेजारी राहणाऱ्या तरुणाशी अनैतिक संबंध होते. त्यावरुन संध्या व पती सुभाष यांच्यात वाद होत.
संध्याकाळी संध्या घराजवळ रक्ताने माखलेल्या अवस्थेत पडलेली दिसली. शेजाऱ्यांनी तिला उपचारांसाठी शिरूर येथे हलवले. मात्र, रस्त्यातच ती मरण पावली.
घटना घडली त्यावेळी अनैतिक संबंध असणारा तरूण संध्याच्या घराजवळून जाताना स्थानिकांनी पाहिला. पोलिसांचा त्याच्यावरील संशय बळावला आहे.
घटना घडली तेव्हा संध्या घरी एकटी होती. तिचा पती ऊसलागवडीसाठी, तर सासू-सासरे मजुरीसाठी बाहेर गेले होते.
- अनुसूचित जाती, नवबौद्ध बचत गटांसाठी मिनी ट्रॅक्टरवर ९०% अनुदान; फक्त ३५ हजारांत मिळणार ट्रॅक्टर
- मुख्याध्यापक व शिक्षकांसमोर दुहेरी कोंडी; सीटीईटी परीक्षा की निवडणूक कर्तव्य?
- प्रायव्हेट जेट बुक करणं सामान्य माणसालाही शक्य? जाणून घ्या खर्च, प्रक्रिया आणि वास्तव
- आयुष्मान भारत योजना : ७० वर्षांवरील नागरिकांना कसा मिळतो १० लाख रुपयांपर्यंत मोफत उपचारांचा लाभ?
- वारकऱ्यांच्या सोयीसाठी भुसावळ-पंढरपूर नियमित रेल्वेची जोरदार मागणी; कायमस्वरूपी एक्स्प्रेस कधी सुरू होणार?
