नेवासा :- औरंगाबादहून अहमदनगरच्या दिशेने भरधाव जाणाऱ्या ईरटीगा (क्र. एमएच २१ एएक्स ११०) या कारवरील चालकाचा ताबा सुटल्याने कारने नेवासा फाटा येथील स्टेट बँकेसमोरील दुभाजकाला जोरदार धडक दिली. यानंतर कारने तीन ते चार पलटी खाल्ल्याने गाडीतील एकाचा जागीच मृत्यू झाला, तर एकजण गंभीर जखमी झाला आहे.
अपघात इतका भीषण होता की यात इरटिगा गाडीचा पूर्णपणे चक्काचूर झाला असून गाडीचे चारही चाक वर झाल्याने गाडीतील मृत व जखमींना बाहेर काढताना मोठी कसरत करावी लागली. रात्री साडेआठ वाजेच्या सुमारास ही घटना घडली.
अपघातात जालना येथील भाजपचे जेष्ठ नेते व विद्यमान जिल्हा सरचिटणीस चंद्रशेखर बाळासाहेब घन (वय ५०, हल्ली रा. औरंगाबाद) यांच्या डोक्याला जबर मार लागून अतिरक्तस्राव झाल्याने त्यांचा जागीच मृत्यू झाला. मृत चंद्रशेखर घन हे प्रगतशील शेतकरी म्हणून देखील जालना व औरंगाबाद जिल्ह्यास परिचित होते.
तसेच त्यांच्याबरोबर असणारे नारायण भिकाजी कुमटे (वय ५०, रा. ता. बदनापूर, जि.जालना) हे या अपघातात गंभीर जखमी झाले. मृत चंद्रशेखर घन हे केंद्रीय मंत्री खासदार रावसाहेब दानवे यांच्या अत्यंत जवळचे व विश्वासू कार्यकर्ते असल्याचे समजते.
- Apollo Tyres Share Price: अपोलो टायर्स गुंतवणूकदारांना करणार मालामाल? सध्याची ट्रेडिंग पोझिशन काय? रेटिंग अपडेट
- ONGC Share Price: तज्ञ म्हणतात ONGC चा शेअर खरेदी करा! मात्र 1 वर्षात झाली 20.28% घसरण…बघा आजची किंमत
- CDSL Share Price: मल्टीबॅगर स्टॉकमध्ये आज मोठ्या कमाईची संधी! नोट करा तज्ञांची टार्गेट प्राईस
- Vedanta Share Price: वेदांता शेअर आज बुलीश…मोठ्या प्रमाणावर खरेदी! तज्ञ म्हणतात की…
- IFCI Share Price: IFCI शेअर्समध्ये मागच्या आठवड्यापासून तेजी! दिला 5.82% रिटर्न… आज मात्र?
