नगर शहरातून शिवसेना-भाजपा युतीची उमेदवारी माजी आमदार अनिल राठोड यांना पुन्हा मिळाली आहे. उद्या ते अर्ज दाखल करणार आहेत. या पार्श्वभूमीवर शिवसेनेच्या शिष्टमंडळाने माजी खासदार दिलीप गांधी यांच्या निवासस्थानी भेट घेवून चर्चा केली.
भाजप व सेना एकत्रित लढत असल्यामुळे आता सर्वांचीची मोट सेनेला बांधावी लागणार आहे. मागील काही काळात राठोड व गांधी यांच्यात सुरू असलेला संघर्ष लक्षात घेता ही मनधरणी सुरु झाली आहे. एकदा दोनदा नव्हे तर तब्बल तीन वेळा गांधींवर आगपाखड करणारे राठोड समर्थक गांधी यांच्या घरी जावून आले आहेत. पण अद्याप त्यात यश आले नसल्याचे समजते.
लोकसभेच्या निवडणुकीदरम्यान दिलीप गांधी यांच्या नावाला राठोड यांनी जाहीर विरोध दर्शविला होता.त्यामुळे गांधी व राठोड यांच्यातील वाद आणखीच चिघळला. गांधी यांनीही राठोड सेनेचे उमेदवार असतील तर आम्हाला गृहीत धरू नका असा इशारा दिला होता.मागील आठवड्यात राठोड यांनी आले तर त्यांच्यासह व न आल्यास त्यांच्याशिवाय असे सूतोवाच पत्रकार परिषदेत केले होते. मात्र आता राठोड यांना उमेदवारी मिळार्लयाने त्यांच्या समर्थकांनी गांधी यांची मनधरणी सुरु केली आहे.
- ……तर मुलीला वडिलांच्या संपत्तीत हिस्सा मिळणार नाही! सुप्रीम कोर्टाच्या नवा निर्णय काय सांगतो ?
- राज्य सरकारी कर्मचाऱ्यांसाठी Good News ! 2026 च्या सुरुवातीलाच ‘हे’ तीन आर्थिक लाभ मिळणार
- गुरु ग्रहाच्या नक्षत्र परिवर्तनामुळे ‘या’ राशीच्या लोकांचा वाईट काळ संपणार ! 2026 मध्ये मिळणार जबरदस्त यश अन पैसा
- कमी गुंतवणुकीत जास्त नफा ! ‘हे’ 3 बिजनेस बनवतील मालामाल, घरबसल्या सुरू करता येणार
- रेल्वे प्रवाशांसाठी आनंदाची बातमी ! हैदराबाद – अजमेर दरम्यान चालवली जाणार नवीन रेल्वेगाडी, महाराष्ट्रातील या 8 स्थानकावर थांबा मंजूर