श्रीगोंदे | मैत्रिणीसमवेत क्लासला जात असताना सतरा वर्षांच्या विद्यार्थिनीचे अपहरण झाले. ही घटना शुक्रवारी सकाळी अकराच्या सुमारास घडली. बारावीच्या वर्गात शिकणारी ही युवती मैत्रिणीबरोबर दौंड रस्त्याने क्लासला जात असताना पाठीमागून पांढऱ्या रंगाची स्कॉर्पिओ आली. एकाने खाली उतरून विद्यार्थिनीला बळजबरीने गाडीत बसवले. मैत्रिणीसह अन्य विद्यार्थिनींनी आरडाओरडा केला.
तथापि, आजूबाजूच्या नागरिकांना काही समजण्याच्या आतच स्कॉर्पिओ कर्जतच्या दिशेने गेली. पोलिस निरीक्षक दौलतराव जाधव यांनी घटनास्थळी धाव घेत सर्व रस्त्यांवर नाकाबंदीचे आदेश दिले. स्कॉर्पिओचा क्रमांक मिळालेला नाही. अपहरण झाले त्या रस्त्यावरील सीसीटीव्ही फुटेज तपासण्याचे काम सुरू आहे.
दरम्यान, ज्या तरुणाने अपहरण केले आहे तो कोकणगाव येथील असल्याचे समजते. भरदिवसा युवतीचे अपहरण झाल्याने महाविद्यालयात शिक्षण घेणाऱ्या विद्यार्थिनींमध्ये घबराटीचे वातावरण निर्माण झाले आहे.
- महाराष्ट्रातील शेतकऱ्यांचा सातबारा कधी कोरा होणार ? 2026 शेतकऱ्यांसाठी ठरणार गेमचेंजर
- डिसेंबरच्या तिसऱ्या आठवड्यात सोयाबीनच्या रेट मध्ये झाली मोठी घसरण ! आज बाजारात काय भाव मिळाला? वाचा
- मोठी बातमी ! शक्तीपीठ महामार्ग आणि कल्याण – लातूर महामार्ग ‘या’ ठिकाणी एकमेकांना जोडले जाणार, महामार्गाच्या अलाइनमेंट मध्ये महत्त्वपूर्ण बदल
- आजपासून पुढील 5 दिवस बँका बंद राहणार ! महाराष्ट्रातील बँका पण 4 दिवस बंद राहणार, वाचा सविस्तर
- कामाची बातमी ! महाराष्ट्र राज्य सरकार ‘या’ लोकांना जमीन खरेदी करण्यासाठी देणार लाखों रुपयांचे अनुदान, कशी आहे शासनाची योजना?
