बारामती :- महाराष्ट्राच्या राजकारणातील आश्वासक युवा चेहरा म्हणून रोहित पवार ओळखले जातात. त्यात राष्ट्रवादी काँग्रेसचे अध्यक्ष शरद पवारांचे नातू म्हणून त्यांची विशेष ओळख. बारामती हा आपला बालेकिल्ला सोडून रोहित थेट कर्जत-जामखेडमधून निवडणुकीच्या रिंगणात उतरले.
गेली पाच-सहा महिने रोहित पवार कर्जत-जामखेडमध्ये तळ ठोकून होते. त्यामुळे आपली लाडकी मुलगी आनंदीता आणि मुलगा शिवांश यांना त्यांना वेळ देता आला नाही. निवडणुकीच्या धामधुमीत अडकलेल्या डॅडावर आनंदीताने अनेक प्रश्नांची सरबत्ती केली.
लाडक्या लेकीच्या प्रश्नांची उत्तरं दिल्यावर निकालाआधी मिळालेला वेळ हा पूर्णपणे कुटुंबीयांसोबत घालवणार असल्याचं रोहित पवार यांनी सांगितलं. तर निवडणूक आयोगाने दिवाळीपूर्वीच दिवाळी साजरी करण्याची संधी दिल्याचं सांगत अजित दादांसोबत सभागृहात बसण्याचा आनंद वेगळाच असेल, असेही रोहित पवार म्हणाले.
एकीकडं रोहित पवार गेली पाच महिने निवडणुकीच्या तयारीत व्यस्त असताना त्यांच्या पत्नी कुंती यांनी घर, कुटुंब आणि निवडणूक प्रचार या तिन्ही आघाड्या यशस्वी सांभाळल्या. मुलांना सांभाळत प्रचारासाठी बाहेर पडताना लोक ज्या आनंदाने स्वागत करत होते, ते पाहता आपल्या पतीचा विजय नक्की असल्याचा विश्वास त्यांनी व्यक्त केलाय.
- कमाईची संधी ! तज्ज्ञांनी सुचवलेले 3 मजबूत शेअर्स; जाणून घ्या सविस्तर
- पुणेकरांसाठी आनंदाची बातमी ! अवघ्या तासाभरात सिंधुदुर्ग आणि गोवा; फक्त २,३०० रुपयांपासून हवाई प्रवास
- खंबाटकीचा नवा बोगदा जून २०२६ पासून खुला; पुणे-सातारा प्रवास अवघ्या ७ मिनिटांत, अपघातांना ब्रेक
- शेतकऱ्यांना फेब्रुवारीत मोठा दिलासा! पीएम किसानसोबत नमो शेतकरी सन्मान निधीचा हप्ता खात्यात जमा होण्याची शक्यता
- लाडक्या बहिणींची संख्या पुन्हा घटणार? ‘या’ महिलांना योजनेतून अपात्र ठरवले जाण्याची शक्यता
