हैदराबाद: तेलंगणात सोमवारी दुपारी विजया रेड्डी या तहसीलदार महिलेला एका व्यक्तीने अंगावर पेट्रोल टाकून जिवंत जाळले. यात विजया यांचा जागेवरच मृत्यू झाला. रंगारेड्डी जिल्ह्यातील अब्दुल्लापूरमेट येथे ही घटना घडली.
एका अधिकाऱ्याने सांगितले की, तहसीलदारांना वाचवण्याच्या प्रयत्नात दोन कर्मचारी जखमी झाले आहेत. कोर्टाच्या आदेशानंतरही जमिनीच्या कागदपत्रात योग्य त्या दुरुस्ती न केल्यावरून नाराज असलेल्या सुरेश मुदिराजू याने हे कृत्य केले.
अधिकाऱ्यांनी दिलेल्या माहितीनुसार, दुपारी जेवणाच्या वेळी दीड वाजता सुरेश जमिनीची कागदपत्रे घेऊन कार्यालयात आला. तो तहसीलदार विजया यांच्या दालनात गेला. तेथे अर्धा तास झालेल्या वादानंतर त्याने विजया यांच्या अंगावर पेट्रोल टाकून आग लावली.
त्या वेळी विजया दालनात एकट्या होत्या. एका प्रत्यक्षदर्शीने आरडाओरड केल्यानंतर बाकीचे लोक दालनात गेले. रचकोंडाचे पोलिस आयुक्त महेश भागवत यांनी सांगितले की, हल्लेखोरालाही आगीची झळ बसली आहे. तो ५० ते ६० टक्के भाजला आहे.
- सरकारी कर्मचाऱ्यांसाठी खुशखबर ! कर्मचारी व पेन्शन धारकांना मिळणार ‘हे’ आर्थिक लाभ
- वाईट काळ संपणार ! आता ‘या’ राशीच्या लोकांचा सुवर्णकाळ सुरु होणार
- गुंतवणूकदार होणार मालामाल ! 3 दिवसात 27% रिटर्न, स्टॉक स्प्लिटची मोठी घोषणा
- मुंबई – पुणे दरम्यान प्रवास करणाऱ्यांसाठी आनंदाची बातमी ! MSRDC ने घेतला मोठा निर्णय
- फक्त 9 महिन्यात गुंतवणूकदार झाले श्रीमंत! ‘या’ 5 म्युच्युअल फंड्सनी दिला 15% परतावा…पैसा टाकावा का?
