अहमदनगर Live24 टीम, 07 फेब्रुवारी 2021:-गॅस, पेट्रोल व डिझेलची दरवाढ कमी करावी, या मागणीसाठी राहुरी येथे शिवसेनेच्यावतीने रास्तारोको आंदोलन करण्यात आले.यावेळी जिल्हाधिकार्‍यांचे आदेश धुडकावून लावणार्‍या शिवसेनेच्या सुमारे 20 कार्यकर्त्यांवर गुन्हे दाखल करण्यात आले आहेत.
करोना नियमाचा भंग करून शिवसेनेच्या कार्यकर्त्यांनी राहुरी येथे कृषी उत्पन्न बाजार समिती समोर दि. 5 फेब्रुवारी रोजी सकाळी अकरा वाजे दरम्यान प्रशासनाला कोणतीही पूर्वसूचना न देता रास्तारोको आंदोलन केले.
दिवसेंदिवस गॅस, पेट्रोल व डिझेलची दरवाढ होत आहे. ती दरवाढ थांबविण्यात यावी. या मागणीसाठी शिवसेनेच्यावतीने हे रस्तारोको आंदोलन करण्यात आले होते.
यावेळी हातात झेंडे घेऊन शिवसेनेच्या कार्यकर्त्यांनी केंद्र सरकार विरोधात घोषणाबाजी केली होती.कोरोना नियमनाचे भंग केल्याप्रकरणी राहुरी पोलीस ठाण्यातील हवालदार अशोक महादेव कोळगे यांच्या फिर्यादीवरून आरोपी सोमनाथ मच्छिंद्र हारदे, गणेश खेवरे, अमोल खेवरे रा. देसवंडी, कैलास शेळके रा. राहुरी खुर्द, तसेच इतर 10 ते 15 जणांवर गुन्हे दाखल करण्यात आले.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved
