अहमदनगर Live24 टीम, 22 फेब्रुवारी 2021:-पत्नीच्या बढतीच्या कारणावरून वडगाव गुप्ता येथील डेंटल कॉलेजमध्ये प्राध्यापक असलेले डॉ. दिनेश विजय राजपूत यांना मारहाण केल्याची घटना घडली आहे.
तसेच मारहाण करणाऱ्या व्यक्तीने प्राध्यापक राजपूत यांच्या कारची तोडफोड देखील केली आहे. दरम्यान धक्कादायकबाब म्हणजे हा सर्व प्रकार कॉलेजच्या पार्किंगमध्ये घडला होता.
दरम्यान या प्रकरणी डॉ. दिनेश विजय राजपूत यांनी पोलिसांत फिर्याद दिली आहे. अतुल प्रवीण पाटीदार (रा. शिरसाठ मळा, सावेडी) असे मारहाण करणार्‍या आरोपीचे नाव आहे.
याबाबत अधिक माहिती अशी कि, मुळचे औरंगाबादमधील राजपूत हे वडगाव गुप्ता येथील डेंटल कॉलेजला प्राध्यापक आहेत. कॉलेजच्या वसाहतीमध्ये ते राहतात.
पाटीदार यांच्या पत्नीच्या बढतीच्या कारणावरून राजपूत यांना मारहाण करण्यात आल्याचे फिर्यादीत म्हटले आहे. अतूल पाटीदार याने बेसबॉलच्या बॅटने राजपूत यांच्या महिंद्रा कारचे नुकसान केले.
तसेच बॅटने मारहाण करत जिवंत सोडणार नाही, अशी धमकी दिली. याप्रकरणी आरोपी पाटीदार याच्यावर एमआयडीसी पोलिसांत गुन्हा दाखल करण्यात आला आहे.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम ।
- © Copyright 2021, all rights reserved
