अहमदनगर Live24 टीम, 02 मार्च 2021:-देशातील सर्वात मोठी बँक असलेल्या स्टेट बँक ऑफ इंडियाने (एसबीआय) मंजूर प्रकल्पांच्या प्रस्तावाखाली गृह कर्जाचे व्याज दर कमी केले आहेत. या कपातीनंतर बँकेचा सुरुवातीचा व्याज दर 6.70% वर आला आहे.
हे व्याज दर कोणत्याही बँक किंवा एनबीएफसीपेक्षा कमी आहेत. इतकेच नाही तर एसबीआयच्या मंजूर प्रकल्पांतर्गत कर्जासाठी अर्ज करण्यासाठी प्रोसेसिंग फी देखील भरावी लागणार नाही. या ऑफरचा लाभ 31 मार्च 2021 पर्यंत मिळू शकेल.
आपणास योनो अ‍ॅप वरून अर्ज केल्यास मिळेल एक्स्ट्रा सूट :- बँकेच्या मते, 75 लाखांपर्यंतच्या कर्जावरील व्याज दर 6.7% पासून सुरू होईल आणि 75 लाखांपेक्षा जास्त कर्जासाठी 6.75% पासून व्याज दर सुरू होईल. जर ग्राहक योनो अॅपद्वारे कर्जासाठी अर्ज करत असेल तर त्याला 0.50% अतिरिक्त लाभ मिळेल. एसबीआय गृह कर्जाचे व्याज दर तुमच्या सिबिल स्कोअरवर अवलंबून असतात.
प्रोसेसिंग फी नाही :- गृहकर्ज दर कमी करण्यासह एसबीआयने घर खरेदीदारांना आणखी एक फायदा दिला आहे. आता, घर खरेदीसाठी घेतलेल्या कर्जावर कोणतीही प्रोसेसिंग फीस आकारले जाणार नाही. म्हणजेच, आपण आपल्या एकूण कर्जावर सुमारे 1% अधिक बचत कराल. प्रक्रिया शुल्क सामान्यत: 0.8% ते 1% दरम्यान असते. 20 लाखांच्या कर्जावर तुम्हाला 18 ते 20 हजार रुपये प्रक्रिया शुल्क भरावे लागते.
होम लोन बिजनेस 5 लाख कोटींच्या पुढे गेला:- एसबीआयने म्हटले आहे की होम लोन सेगमेंटमध्ये त्याचा बाजार हिस्सा 34% आहे. तर, दररोज सरासरी 1000 ग्राहक SBI लोन प्रोसेस करीत आहेत. बँकेचा होम लोन बिजनेस 5 लाख कोटींच्या पुढे गेला आहे.
PMAY ला मिळत आहे चालना :- पंतप्रधान गृहनिर्माण योजना (PMAY) अंतर्गत एसबीआय अधिकाधिक कर्ज मंजूर करीत आहे. डिसेंबर 2020 पर्यंत PMAYअंतर्गत 1,94,582 गृह कर्ज मंजूर झाले आहेत. PMAYअनुदानावर प्रक्रिया करण्यासाठी केंद्रीय नोडल एजन्सी म्हणून नगररचना विकास मंत्रालयाने डिजाइन केलेली एसबीआय ही एकमेव बँक आहे.
- ब्रेकिंग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
