राहुरी :- तुला मूलबाळ होत नाही, तू वांझोटी आहेस. नवीन कार घेण्यासाठी वडिलांकडून एक लाख रूपये आण, असे म्हणत सासरी होणाऱ्या शारीरिक व मानसिक छळाला कंटाळून विवाहितेने शेततळ्यात उडी मारून आत्महत्या केली.
वांबोरी शिवारातील जरे यांच्या गट क्रमांक ७३१ मधील शेततळ्यात ही घटना शनिवारी घडली. तरूणीचे वडील बाळासाहेब त्रिंबक पटारे (पुलवाडी, वांबोरी) यांनी दिलेल्या फिर्यादीवरून पोलिसांनी सासरच्या चौघांविरूध्द गुन्हा दाखल केला असून पती अंबादासला ताब्यात घेतले आहे.
कविता पटारे हिचा २००९ मध्ये मानोरी येथील अंबादास वाकळे याच्याशी विवाह झाला. लग्नाच्या ३ वर्षांनंतरही मूलबाळ न झाल्याने पती अंबादास, सासू हिराबाई यांच्याकडून कविताचा छळ सुरू झाला. मानसिक छळ सुरू असतानाच सासरच्या लोकांनी नवीन कार घेण्यासाठी माहेरून पैसे आणावेत म्हणून तगादा सुरू केला.
कविताच्या माहेरची परिस्थिती बेताची असल्याने कारसाठी पैसे देणे शक्य नव्हते. या त्रासाला कंटाळून कविता सासरच्या घरातून बाहेर पडली. सोमवारी सकाळी वांबोरी येथील जरे यांच्या शेततळ्यात तिचा मृतदेह आढळला. घटनास्थळी बघ्यांची गर्दी जमली होती.
या तरूणीला पाण्याबाहेर काढल्यानंतर तिची ओळख पटण्यास मदत झाली. या घटनेने सासर व माहेरच्या लोकांचा वाद उफाळून आल्याने काहीकाळ वातावरण तणावपूर्ण बनले होते. कविताचे वडील बाळासाहेब पटारे यांनी दिलेल्या फिर्यादीवरून सासरच्या मंडळींविरूध्द विवाहितेच्या आत्महत्येस कारणीभूत ठरल्याचा गुन्हा दाखल करण्यात आला.
- रेल्वे प्रवाशांसाठी अलर्ट! 1 जुलैपूर्वी ‘हे’ काम करून घ्या, अन्यथा मिळणार नाही कन्फर्म तिकीट
- 16GB RAM, 100W चार्जिंगसह Nord 5 गेमिंग आणि फोटोग्राफीसाठी ठरणार बेस्ट, कधी होतोय लाँच?
- अकोले तालुक्यात ११२ गावांमध्ये दारूबंदी, ग्रामपंचायतींनी घेतला ग्रामरक्षक दल स्थापनाचा निर्णय
- शेतकऱ्यांनो PM Kisan चा 20 वा हप्ता हवाय?, मग आत्ताच ‘ही’ 3 कामे करून घ्या! अन्यथा खात्यावर जमा होणार नाहीत पैसे
- आषाढ महिन्यात ‘या’ वस्तूंचे दान केल्यास मिळेल खास पुण्य आणि धनलाभ; आषाढ महिन्याचे धार्मिक महत्व जाणून घ्या!
