हैदराबाद : येथील एका रिक्षाचालकाने पत्नी कुरूप दिसत असल्याचा आरोप करत तलाक दिल्याची घटना गुरुवारी उघड झाली. या प्रकरणी पीडित पत्नीच्या तक्रारीनंतर रिक्षाचालकावर मुस्लिम महिला संरक्षण कायद्याअंतर्गत गुन्हा दाखल केल्याची माहिती पोलिसांनी दिली.
मोहम्मद मुस्तफा हा कापड व्यावसायिक असल्याचे तिच्या कुटुंबीयांना सांगण्यात आले होते. यानंतर गत जुलै महिन्यात पीडित महिला व रिक्षाचालक मुस्तफाचा विवाह झाला.
मात्र, लग्न झाल्यानंतर मुस्तफा एक रिक्षाचालक असून, त्याच्याकडे स्वत:च्या मालकीचे घरही नसल्याचे पीडित मुलगी व तिच्या पालकांच्या निदर्शनास आले. या दरम्यान माहेरहून पैसे आणण्यासाठी मुस्तफाने पत्नीचा छळ सुरू केला.
तिला कुरूप म्हणत मुस्तफा वारंवार तिचा अवमान करू लागला. दरम्यानच्या काळात सासू-सासऱ्यांनीदेखील पीडित महिलेचा छळ केला. अनेक वेळा तिला घरात डांबून ठेवण्यात आले. माहेरच्या लोकांसोबत बोलण्यावरही सासरच्या मंडळींनी निर्बंध घातले.
वारंवार होणाऱ्या छळाला कंटाळून पीडित महिला माहेरी आली. मात्र, गेल्या महिन्यात मुस्तफाने माझ्या आई-वडिलांच्या घरी आपल्याला शिवीगाळ करत तलाक दिल्याचे पीडित महिलेने तक्रारीत म्हटले आहे.
- पंढरीच्या पांडुरंगाच्या दर्शनासाठी आषाढी वारीत येणं म्हणजे जगाच्या पाठीवरील एक अद्भूत सोहळा- जलसंपदामत्री राधाकृष्ण विखे पाटील
- आषाढी एकादशीच्या निमित्ताने नेवाश्यात ज्ञानोबा माऊली जयघोषाने परिसर दुमदुमला, पैसे खांबांचे दर्शन घेण्यासाठी हजारो भाविकांची गर्दी
- कोपरगाव तालुक्यात आगामी निवडणुकीत काळे-कोल्हे सत्तासंघर्ष तीव्र होणार, शिवसेना ठरणार गेमचेंजर?
- सोन्याच्या किंमतीत मोठी घसरण ! 7 जुलै 2025 रोजी 10 ग्रॅम सोन्याचे रेट कसे आहेत ?
- साईभक्तांसाठी बांधण्यात आलेल्या ‘त्या’ दोन इमारतीसंदर्भात साई संस्थानचा पाठपुरावा सुरू, विखेंची भेट घेऊन प्रश्न मार्गी लावणार
