अहमदनगर Live24 टीम, 15 मार्च 2021:- दारूच्या नशेत मित्रानेच मित्राचा खून केल्याची घटना श्रीरामपूर तालुक्यातील वडाळा महादेव परिसरातील ससे वस्तीवर घडली आहे.
यामध्ये राजू निवृत्ती कसबे (वय ४५) याचा खून झाला आहे. याप्रकरणी श्रीरामपूर शहर पोलीस ठाण्यात गुन्हा दाखल करण्यात आला आहे.
याबाबत सविस्तर माहिती अशी की, राजू कसबे याचा राहत्या घरात मृतदेह कुजलेल्या अवस्थेत आढळून आला होता. या घटनेने तालुक्यात एकच खळबळ उडाली होती.
दरम्यान पोलिसांच्या तपासात हे मृत प्रकरण उघड झालं आहे. राजुचा मित्र जैकी ओहोळ या मित्रानेच त्याचा खून केल्याचे समोर आले आहे. दारूच्या नशेत त्यांच्यात भांडणे झाली. त्यातीन ओहोळ याने डोक्यात काहीतरी मारून व गळा दाबून जागीच ठार केले.
याप्रकरणी शहर पोलीस ठाण्यात त्यांचा बंधू अमोल कसबे यांनी फिर्याद दिली आहे. पोलिसांनी आरोपीस अटक केली आहे. अधिक तपास पोलीस निरीक्षक समाधान सुरवाडे हे करीत आहे.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
