साकुरी : नुकसानग्रस्त पिकांचे तातडीने पंचनामे करावेत, असे आदेश नुकतेच खासदार डॉ. सुजय विखे पाटील यांनी दिले. राहाता तालुक्यातील निमगाव कोऱ्हाळे येथील ग्रामपंचायत सदस्य कै. नारायण गाडेकर यांच्या कुटुंबियांना भेटण्यासाठी ते आले होते.
आमदार राधाकृष्ण विखे पाटील यांच्या उपस्थितीत अधिकारी व कर्मचारी यांची बैठक घेऊन अडचणी व शंकांचे निरसन करण्यात येऊन सरकारकडून जलदगतीने भरपाई कशी मिळेल यासाठी पाठपुरावा करू, असे डॉ. विखे म्हणाले.
यावेळी शेतकऱ्यांच्या वेदना खा. डॉ. सुजय विखे यांनी समजून घेतल्या. ते म्हणाले, निसर्गनिर्मित संकटाला आपण सगळे मिळून सामोरे जाऊ. सरकारकडे भरीव स्वरुपात मदत कशी मिळेल यासाठी पाठपुरावा करू, असे सांगितले.
यावेळी माजी उपसरपंच विजय कातोरे म्हणाले की, राज्यातील शेतकऱ्यांना ऑक्टोबर महिना कर्दनकाळ ठरला आहे. बाजरी, सोयाबीन, डाळिंब, गुलाब शेतीसह भाजीपाल्याचे अतोनात नुकसान झाले आहे. त्यामुळे भरीव स्वरुपात भरपाई कशी मिळेल, यासाठी पाठपुरावा करून न्याय द्या, अशी मागणी केली.
यावेळी उपसरपंच अजय जगताप, माजी उपसरपंच विजय कातोरे, भाऊसाहेब कातोरे, बाजार समितीचे संचालक शरद मते, श्रद्धा सबुरी पंतसंस्थेचे चेअरमन राजेंद्र गाडेकर, कैलास गाडेकर, सामाजिक कार्यकर्ते कैलास कातोरे,
रुई येथील सरपंच संदीप वाबळे, गणेश आगलावे, एकनाथ गाडेकर, बी. के. जगताप, धनंजय पाटील, बाळासाहेब गाडेकर, गोविंद गाडेकर, राजेंद्र बी. कातोरे, चांगदेव जगताप, रावसाहेब कडलग यांच्यासह निमशेवडी येथील ग्रामस्थ उपस्थित होते.
- 11 जुलैपासून सुरु होणाऱ्या श्रावण महिन्यात यंदा दुर्मिळ योग तयार होणार ! शनी आणि गुरु ग्रहाच्या कृपेने ‘या’ राशीच्या लोकांना मिळणार जबरदस्त यश
- पुणे, अहिल्यानगरमधील रेल्वे प्रवाशांसाठी आनंदाची बातमी ! मध्य रेल्वे चालवणार नवीन एक्सप्रेस ट्रेन, कुठून कुठपर्यंत धावणार?
- अहिल्यानगर जिल्ह्यातील पोलिसांच्या कामाबाबत तुम्हाला काय वाटतं? क्युआर कोड किंवा लिंकद्वारे तुमचा अभिप्राय नोंदवा, SP सोमनाथ घार्गे यांचा अभिनव उपक्रम
- महाराष्ट्रात राहायचे असेल तर मराठी यायलाच हवी, अभिनेता सुनिल शेट्टींनी शिर्डीतून केला मराठीचा गुणगौरव
- मुंबई पासून पुण्यापर्यंत सर्वसामान्यांना मोठा दिलासा! एलपीजी गॅस सिलेंडरच्या किमतीत मोठी कपात
