अहमदनगर Live24 टीम, 12 एप्रिल 2021 :-उसाने भरलेला ट्रॅक्टरच्या दोन ट्रॉली एकमेकांना धडकून उलटल्याने यात उसाखाली दबल्याने चालकाचा जागीच मृत्यू झाला.
ही दुर्घटना पाथर्डी तालुक्यातील टाकळी मानूर गावातील मारूती मंदिराजवळ घडली. पाथर्डी तालुक्यातील पूर्व भागातील टाकळी मानुर, तांबेवाडी, गाडेवाडी, चुंभळी या भागात ऊसश्रेत्र मोठे असल्याने या भागात पंधरा दिवसापासून तीन ट्रॅक्टर मजुर उसतोडणी आले होते.
शरयूॲग्रो फलटण या साखर कारखान्याचा गळीत हंगाम संपत्यानंतर या भागातील काही ट्रॅक्टर चालकांनी उसतोडणी होईल व ट्रॅक्टर मजुराला रोजगार एक महिना मिळेल या आशेवर आले होते. त्यात ही दुर्दैवी घटना घडल्याने त्यांच्यावर दु:खाचा डोंगर कोसळला आहे.
याबाबत सविस्तर असे की, पाथर्डी तालुक्यातील टाकळीमानुर येथील भागवत टेकाळे यांचा ऊस भरलेला ट्रॅक्टर वृद्धेश्वर साखर कारखान्याकडे जात होता. तो करोडी जवळील उताराला दोन्ही ट्रॉल्या एकेकांना धडकल्याने सदरचा ट्रॅक्टर पलटी झाला.
त्यात ट्रॅक्टरचालक भाऊराव भास्कर काळे (बीड जिल्हा) हा उसाच्या ढिगाऱ्याखाली दबला. हा अपघात पाहताच आजुबाजूच्या नागरिकांनी तात्काळ उसाच्या मोळ्या बाजूला फेकून ढिगाऱ्याखाली अडकलेल्या
चालकास बाहेर काढले व पाथर्डी येथील जिल्हा रुग्णालयात उपचारासाठी दाखल केले. मात्र येथील तपासणी करून डॉक्टरांनी त्याला मृत घोषित केले. त्यांच्या मृतदेहाचे शवविच्छेदन करून मृतदेह नातेवाईकांच्या ताब्यात दिला.
याबाबत पाथर्डी पोलिसांत अकस्मात मृत्यूचा गुन्हा दाखल झाला असून, पुढील तपास पोलीस कॉन्स्टेबल आजिनाथ बडे करत आहेत.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
