अहमदनगर Live24 टीम, 27 एप्रिल 2021 :-भारतातील करोनाची स्थिती अत्यंत भयंकर होत चालली आहे. ऑस्ट्रेलियाचा क्रिकेटपटू पॅट कमिन्सने या संकटावर मात करण्यासाठी ३७ लाखांची मदत केली.
कमिन्सनंतर आता ऑस्ट्रेलियाचा माजी क्रिकेटपटू ब्रेट लीने ४२ लाख रुपयांची देणगी जाहीर केली आहे. ब्रेट लीने आपल्या ट्विटरवर पोस्ट शेअर करताना लिहिले, की माझ्यासाठी भारत नेहमीच दुसऱ्या घरासारखा आहे.
भारताचे माझ्या हृदयात माझी व्यावसायिक कारकीर्द आणि निवृत्तीनंतरही लोकांकडून मला मिळालेल्या प्रेमामुळे एक विशेष स्थान आहे. या साथीच्या आजारात लोक ज्या प्रकारे संघर्ष करत आहेत, हे पाहून मला फार वाईट वाटले.
पण, ज्या स्थानी मी आहे त्याचा मला आनंद आहे. कारण मी काहीतरी करू शकतो. दरम्यान करोनामुळे बिघडलेल्या परिस्थितीमुळे बर्‍याच ऑस्ट्रेलियन खेळाडूंनी आयपीएल २०२१मधून नावे मागे घेतली आहेत.
अँड्र्यू टाय, अ‍ॅडम झम्पा आणि केन रिचर्डसन यांनी सध्याच्या मोसमातून आपली नावे मागे घेतली आहेत.
झम्पा आणि रिचर्डसन रॉयल चॅलेंजर्स बंगळुरूकडून खेळतात. ग्लेन मॅक्सवेल, डॅन ख्रिश्चन आणि डॅनियल सॅम्स हे आणखी तीन ऑस्ट्रेलियन क्रिकेटपटू आहेत, जे आरसीबी संघाशी संलग्न आहेत.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
