अहमदनगर Live24 टीम, 30 एप्रिल 2021 :-उद्या शनिवार म्हणजेच 1 मेपासून काही नवीन नियम लागू केले जाणार आहे. त्यामुळे मे महिना येण्यापूर्वी आपल्याला या नियमांबद्दल माहिती असणे आवश्यक आहे.
असे काही नियम आहे जे लोकांच्या खिशावर थेट परिणाम करतात, म्हणून बदल झालेला हे नियम आपणास ज्ञात असणे आवश्यक आहेत.
गॅस सिलिंडरचे दर बदलणार :- सरकारी तेल कंपन्या दर महिन्याच्या पहिल्या तारखेला गॅस सिलिंडरचे दर बदलतात. गॅस सिलिंडरच्या नवीन किमतीही 1 मे रोजी जाहीर केल्या जातील. गॅस सिलिंडरच्या किमती एकतर वाढवल्या गेल्या आहेत. अशा परिस्थितीत 1 मेपासून सिलिंडरच्या किमती बदलू शकतात.
गरिबांना मोफत धान्य मिळेल :- कोरोना कालावधीत गोरगरिबांना कोणतीही अडचण उद्भवू नये यासाठी, प्रधानमंत्री गरीब कल्याण अन्न योजना पुन्हा लागू केली गेली. त्याअंतर्गत केंद्र सरकार एक मेपासून गरीबांना 5 किलो धान्य मोफत देणार आहे. याचा 80 कोटी लोकांना फायदा होईल.
मे महिन्यात बँका 12 दिवस बंद राहतील :- मे महिन्यात बँका एकूण 12 दिवस (Bank Holidays In May 2021) बंद राहणार आहेत. यापैकी काही दिवस असेही असतील, जेव्हा जेव्हा संपूर्ण देशातील बँका बंद होणार नाहीत, तेव्हा ते फक्त काही राज्यातच बंद राहतील.
अॅक्सिस बँक करणार मोठा बदल :- अॅक्सिस बँकेने बचत खात्यात 1 मेपासून किमान शिल्लक ठेवण्याचे नियम बदललेत. एटीएममधून 1 मेपासून मोफत मर्यादेनंतर पैसे काढल्यास सध्याच्या काळाच्या तुलनेत दुप्पट शुल्क वसूल केले जाणार आहे.
या व्यतिरिक्त बँकेने यापूर्वीच इतर सेवांसाठी शुल्क वाढविले. अॅक्सिस बँकेने 1 मे 2021 पासून किमान सरासरी शिल्लक मर्यादा वाढविली. अॅक्सिस बँकेच्या सुलभ बचत योजना असलेल्या खात्यासाठी किमान शिल्लक रक्कम 10,000 रुपयांवरून 15,000 रुपयांपर्यंत वाढविण्यात आली.
आयआरडीएने पॉलिसीची कव्हर रक्कम दुप्पट केली :- कोरोनाच्या दुसर्‍या लाटे दरम्यान, विमा नियामक आयआरडीएने आरोग्य संजीवनी पॉलिसीची कव्हर रक्कम दुप्पट करण्याचे निर्देश दिले आहेत. विमा कंपन्यांना 1 मे पर्यंत 10 लाख रुपयांपर्यंत कव्हर करणारी पॉलिसी ऑफर करावे लागेल.
- ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
- अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|
