अहमदनगर Live24 टीम, 20 मे 2021 :- नांदेड शहरात कोरोनाग्रस्त व त्यांच्या नातेवाइकांची खासगी हॉस्पिटलकडून मोठ्या प्रमाणात लूट सुरू आहे. याकडे जिल्हा व मनपा प्रशासनाकडून सोयिस्कर डोळेझाक होत आहे.
शहरातील हिंगोलीगेट परिसरात असलेल्या गोदावरी हॉस्पिटलमध्ये उपचार घेत असलेला कोरोनाबाधित रुग्ण २१ एप्रिल रोजी मरण पावल्यानंतरही मढ्याच्या टाळूवरील लोणी खाणाऱ्या गोदावरी हॉस्पिटलच्या डॉक्टरांनी त्याच्यावर ३ दिवस उपचार केल्याचे दाखवून
तब्बल ४२ हजार रुपये जास्तीचे बिल रुग्णाच्या नातेवाइकांना दिले. त्यानंतर २४ तारखेला रुग्ण मरण पावल्याचे सांगितले.
याप्रकरणी संबंधित शिवाजीनगर पोलिसांनी काहीच कारवाई न केल्यामुळे रुग्णाच्या पत्नीने न्यायालयात दाद मागितली.
न्यायालयाने दिलेल्या आदेशावरून शिवाजीनगर पोलिसांनी गोदावरी हॉस्पिटलच्या डॉक्टरविरुद्ध फसवणुकीचा गुन्हा नोंदविला.
नांदेड शहरात गल्लोगल्ली कोविड हॉस्पिटल सुरू झाले आहेत. या हॉस्पिटलमधून कोरोनाग्रस्तांची व त्यांच्या नातेवाइकांची लूट चालू आहे.
अनेक हॉस्पिटलमध्ये कोविड हॉस्पिटलमध्ये लागणारी यंत्रणा, तज्ज्ञ डॉक्टर, साधनसामुग्री नसतानाही मनपा प्रशासनाने त्यांना मान्यता दिली आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
