अहमदनगर Live24 टीम, 8 जुलै 2021 :- चोरी करून पळून जाणाऱ्या चोरट्यास परिसरातील नागरिकांनी पकडून पोलिसांच्या ताब्यात दिले. मात्र पोलिस ठाण्यात घेऊन जात असताना तो आरोपी चालत्या गाडीचे दार उघडून पळून गेला. ही घटना श्रीगोंदा तालुक्यात घडली आहे.
या बाबत सविस्तर असे की, कोळगाव शिवारातील कन्हेरमळा या ठिकाणी किरण संजय गायकवाड यांच्या घरी मंगळवारी मध्यरात्री घराचा दरवाजा उघडून सोन्याच्या बाळ्या,
तसेच असा मुद्देमालाची चोरी करून फरार होत असताना त्या चोरास परिसरातील नागरिकांच्या मदतीने पकडले.
त्या नंतर बेलवंडी पोलिस ठाण्यात सदर गुन्ह्याची माहिती कळविली असता पोलिस ठाण्याचे सहाय्यक फौजदार प्रकाश बारवकर यांनी घटनास्थळी भेट देऊन पकडलेल्या आरोपीला ताब्यात घेऊन पोलिस ठाण्यात घेऊन गेले.
मात्र पोलिस ठाण्यात जात असताना रस्त्याने चालू वाहनाचा दरवाजा उघडून आरोपीने मुद्देमालासह पळून गेला आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
