अहमदनगर Live24 टीम, 9 जुलै 2021 :- राहुरी शहर हद्दीतून मोटारसायकल चोरून नंतर मोटारसायकल परत करण्यासाठी हजारो रूपयांची मागणी करणाऱ्या अनिस सय्यद याला माजी नगरसेवक अशोक तनपूरे यांनी रंगेहाथ पकडून यथेच्छ धुलाई करत पोलिसांच्या ताब्यात दिले.
आरोपी अनिस सय्यद याच्याबरोबर आणखी काही साथीदार असून पोलिस त्यांचा शोध घेत आहेत. रविंद्र अशोक रोडे (रा.तालूका अंबड जि. जालना(-हा तरूण सध्या नोकरी निमित्त राहुरी शहरातील मल्हारवाडी रोड परिसरात
माजी नगरसेवक अशोक तनपूरे यांच्या खोलीत भाडोत्री राहत आहे. दिनांक ७ जुलै रोजी रात्री त्याने त्याची मोटारसायकल एच एफ डिलक्स (एम एच २१ बीएन ९३३५) ही अशोक तनपूरे यांच्या घरा जवळील पार्किगमध्ये लावली होती.
रात्रीच्या दरम्यान ती मोटारसायकल कोणीतरी अज्ञात इसमाने चोरून नेली होती. दुसर्या दिवशी मोटारसायकल मालक रविंद्र रोडे याला अनोळखी नंबरवरून फोन आला. मोटारसायकल परत पाहिजे असेल तर १५ हजार रूपये द्यावे लागतील.
रोख रक्कम घेऊन स्टेट बँके जवळ ये, असे सांगितले. रविंद्र रोडे याने त्वरित अशोक तनपूरे यांना घटनेची माहिती दिली. अशोक तनपूरे यांनी काही तरूण बरोबर घेऊन स्टेट बँके समोर त्या तरूणाचा पाठलाग करून त्याला पकडले.
त्याची यथेच्छ धुलाई करून त्याला पोलिसांच्या स्वाधीन केली. रविंद्र रोडे याच्या फिर्यादीवरून अनिस नजीर सय्यद राहणार चिस्तीया मस्जिद जवळ, बुरुड गल्ली राहुरी. याच्यावर संशयीत आरोपी म्हणून गुन्हा दाखल करून त्याला गजाआड करण्यात आले. या घटनेचा पुढील तपास पोलिस नाईक कारेगावकर हे करीत आहेत.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
