उत्तर प्रदेश/ कानपूर – येथील एका लग्न सोहळ्यात एक विचित्र घटना घडली. लग्न चालू असतानाच नवरी ने लग्न करण्यास नकार दिला आणि यामुळे सर्वत्र शांतता पसरली.
लग्नातील दोन्ही पक्षांनी नवरीला समजावण्याचा प्रयत्न केला मात्र नवरीने आपला निर्णय बदलणार नाही असे ठणकावून सांगितले. त्यामुळे ही गोष्ट पोलीस स्टेशन पर्यंत पोहोचली.
ही घटना उत्तर प्रदेशातील कानपूर जिल्ह्यातील चीतपूर गावात घडली. 23 नोव्हेंबर रोजी वरात वाजत-गाजत वधू पक्षाकडे आली. वधू पक्षानेही मोठ्या मनाने वर पक्षाचे स्वागत केले.
नवरीच्या तोंडातून हे शब्द निघाल्यानंतर लग्न मंडपात एकच शांतता पसरली. मुलीच्या नातेवाईकांनी तिला समजावण्याचा खूप प्रयत्न केला मात्र ती आपल्या निर्णयावर ठाम राहिली हे सर्व पाहून वर पक्षाने या घटनेला विरोध केला. खूप समजावल्यानंतरही मुलीने लग्न न करण्याचा निर्णय कायम ठेवला.
यानंतर पोलिसांना पाचारण करण्यात आले. पोलिसांसमोर दोन्ही पक्षांनी एकमेकांना दिलेले सामान माघारी घेतले आणि वरात नवरी न घेताच माघारी गेली. मुलीने घेतलेल्या या निर्णयामुळे गावात वेगवेगळी चर्चा होत असली तरी मुलीच्या या निर्णयाचे तिच्या आईवडिलांनी समर्थन केले आहे.
