अहमदनगर Live24 टीम, 28 जानेवारी 2022 :- वाईन विक्रीतून मिळणारा महसूल वाढविण्याच्या दृष्टीकोनातून राज्य सरकारने राज्यातील किराणा दुकान आणि सुपर मार्केटमध्ये वाईन विक्रीसाठी परवानगी दिली आहे.
या निर्णयानंतर आता राजकीय वातावरण तापले आहे. राज्य सरकारच्या या निर्णयाला विरोधीपक्ष नेते देवेंद्र फडणवीस यांनी जोरदार विरोध केला आहे. नेमके काय म्हणाले फडणवीस ? जाणून घ्या
पेट्रोल-डिझेलऐवजी दारू स्वस्त
दारूबंदी संपवून दारुविक्रीला परवानगी
महाराष्ट्रात नवीन दारूविक्री परवाने देण्याचा निर्णय
आणि आता थेट सुपर मार्केट, किराणा दुकानातून घरोघरी दारू
महाराष्ट्राला ‘मद्यराष्ट्र’ करण्याचा हा प्रकार खपवून घेतला जाणार नाही.
शेतकरी-कष्टकरी, गरिब, बारा-बलुतेदार अशा एकाही घटकाला राज्य सरकारने गेल्या दोन वर्षांच्या कोरोना कालखंडात मदत केली नाही. सरकारचे प्राधान्य केवळ आणि केवळ दारूलाच आहे.
महाविकास आघाडीचे हे सरकार नेमके आहे तरी कुणाचे असा सवाल उपस्थित करत सत्तेच्या ‘नशे’त धुंद सरकारने गरिबांना थोडी तरी मदत करावी असे प्रतिपादन फडणवीसांनी केले आहे.
फडणवीस पुढे म्हणाले, ‘पेट्रोल-डिझेलऐवजी दारू स्वस्त. दारुबंदी संपवून दारुविक्रीला परवानगी. महाराष्ट्रात नवीन दारुविक्री परवाने देण्याचा राज्य सरकारचा निर्णय आणि आता थेट सुपर मार्केट,
किराणा दुकानातून घरोघरी दारू. महाराष्ट्राला ‘मद्यराष्ट्र’ करण्याचा हा प्रकार खपवून घेतला जाणार नाही’, अशा शब्दात देवेंद्र फडणवीस यांनी ठाकरे सरकारवर टीकास्त्र डागले.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
